Kvit nøkkerose
Frå Wikipedia – det frie oppslagsverket
Kvit nøkkerose |
||
|
||
Systematikk | ||
Rike: | Plantæ | |
Rekkje: | Magnoliophyta | |
Klasse: | Magnoliopsida | |
Orden: | Nymphaeales | |
Familie: | Nymphaceae | |
Slekt: | Nymphaea | |
Art: | N. alba | |
Vitskapleg namn | ||
Nymphaea alba |
Kvit nøkkerose (latin Nymphaea alba) er ei fleiråreg vassplante. Kvit nøkkerose trivst både i næringsrikt og næringsfattig vatn, og lev både i elvar og i stilleståande vatn.
Kvit nøkkerose er fylkesblome for Buskerud.
[endre] Kjenneteikn
Kvit nøkkerose har runde, blankt grøne blad som ofte kan ha eit raudleg skjer, særleg på undersida. Mot bladkanten dannar bladnervene eit nettverk. Blomane er store, og flyt i vassoverflata.
Planta blomstrar frå juni til september, og har den største blomen i norsk flora med ein diameter på opp til 20 cm. Dei 12-30 kronblada er kvite og støvberarane gule; det finst òg variantar med raude kronblad. Ytst i blomen har han fire grøne begerblad. Bestøvinga er det insekt som syt for.
Jordstengelen til kvit nøkkerose veks ned i botnen av sjøen. Frukta blir modna under vatn.
[endre] Underartar
I Noreg reknar me med at det finst to til tre underartar av kvit nøkkerose.
- Stornøkkerose (Nymphacea alba alba) har store blad med tilnærma rette nerver i bladflikane. Blomen er relativt jamnt avrunda frå skaftet og opp etter begerblada. Denne varianten har som regel heilt opne blomar med ein diameter frå 10 til 20 cm. Me finn ho på austlandet og i kyststrok nord til Lyngen i Trøndelag.
- Smånøkkerose (Nymphacea alba occidentalis) har konvergerande nerver i blada og er generelt sett mindre enn stornøkkerosa. Blomen er her frå 5 til 12 cm brei og er oftast ikkje heilt open. Utbreiinga er noko meir vestleg enn stornøkkerosa.
- Kantnøkkerose (Nymphacea alba candida) har store blad med innoverbøygde nerver i bladflikane. Blomen er oftast berre halvveges open og består av 15 til 20 kronblad. Denne forma er vanleg på austlandet.
[endre] Bakgrunnsstoff
- Lid, Johannes: Norsk flora (7. utgåve) Samlaget, 2005
- Botanisk hage og museum: Fylkesblomst for Buskerud ({{{kommentar}}})