Jon Almaas
Frå Wikipedia – det frie oppslagsverket
Jon Almaas (fødd 29. august 1967) er ein norsk programleiar som er mest kjend frå det populære humorprogrammet Nytt på nytt.
Almaas har vore programleiar i NRK-programmet Nytt på nytt sidan 1999. Han har også ved eit høve leia Spellemannprisen. Før det hadde han faste innslag i samlivsprogrammet Direkte sexy i 1998. Han byrja i NRK i 1994 som redaksjonsassistent. Åra 1995-97 brukte han i NRK Troms som produsent for Ja takk, begge deler, Krakk og Helg i solnedgang. I denne perioden jobba han også som skodespelar i produksjonane. Etter dette gjekk veien til Marienlyst att, kor han var produsent for Go’ elg og Newton frå 1997-99.
Av utdanning har han ein amerikansk bachelor-grad i International Business frå 1992. Almaas har sambuar og eitt born.
[endre] Forfattarskapen
Almaas har også gjeve ut tre bøker, Slik blir du husets herre 2002, ei bok om vasking, Bare så du vet det 2004, ei bok med absurde nyttige og unyttige fakta, og Den store norske TV-boka 2006, alt du ikkje visste om norske tv-kjendisar (og litt til).
[endre] Sitat
- Norske elevers leseferdigheter kommer dårlig ut i en ny OECD-måling. Og så? Vi er jo så rike at vi kan få noen andre til å lese for oss. - Jon Almaas, 11. januar 2008
