Halfdan Kjerulf
Frå Wikipedia – det frie oppslagsverket
Halfdan Kjerulf (fødd 17. september 1815 i Christiania, død 11. august 1868) var ein norsk komponist.
[endre] Biografi
Opphaveleg studerte Halfdan Kjerulf jus for å bli embetsmann som far sin. Kort før han skulle ta eksamen i 1839 vart han alvorleg sjuk og drog sommaren 1840 til Paris på ei rekreasjonsreise. Her kom han i kontakt med eit aktivt musikkliv kor wienerklassikarane og dei tidlege romantikarane stod i fokus. Berlioz, som på den tida var mykje omstridt, fekk han òg høre.
Vinteren 1840-41 døyde Kierulf sin søster, far og bror i løpet av få månader, og som den eldste av søskena måtte han støtte familien økonomisk og ble utanriksredaktør i Den Constitutionelle, ein av tidas viktigaste aviser. Han gav likevel ikkje opp musikken og gav ut sine første komposisjonar hausten 1841. 1845 slutta han i avisa for å bli musikklærer. Då Carl Arnold kom til Christiania, begynte Kierulf å studere musikkteori hos han. Arnold hjelpte òg til å få eit stipend for å studere i utlandet, først i København hos Niels W. Gade, seinare i Leipzig kor han med 35 avslutta konservatoriumsutdanninga si.
1851 kom han tilbake til Christiania og begynte som musikklærar igjen. Dei siste åra var han sterkt plaga av sjukdom. Han døyde 11. august 1868.
[endre] Vellæte
- 1863 medaljen Littris et atribus
- 1865 medlem av Kungliga Svenska Musikaliska Akademien
[endre] Verk
Medan romansane og korsongane er mest kjent i dag har han òg skrevet mykje for klaver. Framfor alt har han tatt innverknad frå den tyske romantikken, som Schumann og Mendelssohn. Samtidig merkar ein klart element frå norsk folkemusikk i mange av komposisjonane.
