Grønfink

Frå Wikipedia – det frie oppslagsverket

Grønfink (Carduelis chloris) er ein fugl i finkefamilien. Han er om lag 14,5 cm lang, og veg mellom 25 og 31 gram.

Grønfinken er ein kraftig bygd fugl med eit stort hovud og eit kraftig nebb. Fjørdrakta er olivengrøn med gule innslag. Vingane og stjerten er gulgrøne og stjerten kan ein tydeleg sjå når fuglen flyg. Hoa er meir gulbrun, men med dei same gule fjøra på vingane og stjerten som hannen har.

Grønfinken er ein selskapeleg fugl og lever oftast i flokkar med mange individ. Han lever ofte saman med grønsisiken når han ikkje hekkar. Der det er mykje mat, kan det samla seg store flokkar med grønfinkar. Om kvelden samlar dei seg òg i store flokkar i skogen for å overnatta.

Grønfinken hekkar i april–juli, og er høva gode kan eit par få opptil 3 kull. Hoa legg mellom 4 og 6 egg som ho rugar på i 12–14 dagar. Ungane forlèt reiret etter 13–16 dagar.

Grønfinken er ein av dei få fuglane som syng medan han flyg.