Dessau

Frå Wikipedia – det frie oppslagsverket

Dessau

Cavalierstraße i Dessau rundt 1900
Byvåpen	Plassering
	Dessau
Styresmakter
Land Delstat Regierungsbezirk‎ Landkreis	Tyskland Sachsen-Anhalt Ingen Kreisfri by
Først nemnd i	1213
Geografi
Flatevidd  - By	182,81 km²
Innbyggjarar  - By (2007)    - folketettleik	77 394   423/km²
Koordinatar	51°50′0″N 12°15′0″EKoordinatar: 51°50′0″N 12°15′0″E
Høgd over havet	61 m
Tidssone - Ved sommartid	CET (UTC+1) CEST (UTC+2)
Diverse annan informasjon
Postnummer	06811-06849
Telefon-retningsnummer	0340
Bilnummer	DE
Heimeside: www.dessau.de

Dessau er ein by i Tyskland og hovudstad i delstaten Sachsen-Anhalt med om lag 75 000 innbyggjarar. Byen ligg der elvane Mulde og Elbe renn saman.

Innhaldsliste 1 Geografi 2 Historie 3 Bakgrunnsstoff 4 Kjelde

[endre] Geografi

Dessau ligg på ei stor elveslette der elvane Mulde og Elbe renn saman. Den verste flaumen i området fann stad i 2002, då bydelen Waldersee nesten vart heilt oversvømt. Sørlege delar av Dessau grenser til eit skogkledd område kalla Mosigkauer Heide. Det høgaste punktet er 110 meter og er ein tidlegare søppelhaug kalla Scherbelberg sørvest for Dessau. Dessau er omringa av mange parkar og palass som gjer Dessau til ein av dei grønaste i Tyskland.

[endre] Historie

Dessau vart først nemnd i 1213. Han vart eit viktig senter i 1570 då fyrstedømet Anhalt vart grunnlagt. Dessau vart hovudstad i denne staten innafor Det tysk-romerske riket. Anhalt vart oppløyst i 1603, men Dessau vart verande ein velståande by og vart hovudstad i miniputtstaten Anhalt-Dessau. Då Anhalt gjenforeint i 1863 vart Dessau igjen hovudstad fram til 1918. Dessau er kjend for arkitekturskulen Bauhaus. Han vart flytta her i 1925 etter at han måtte legga ned i Weimar. Mange kjende kunstnarar underviste i Dessau dei neste åra, som Walter Gropius, Paul Klee og Wassily Kandinsky. Nazistane stengde Bauhaus i 1931 og han vart ikkje opna før i 1986.

Ein fabrikk i byen lagde utrusting til Luftwaffe, og av den grunn utførte dei allierte kraftige bombeåtak under den andre verdskrigen, som nesten jamna byen med jorda. Etter krigen vart byen bygd opp at med typiske DDR-bygningar av betongklossar, og han vart eit stort industrisenter i Aust-Tyskland. Etter gjenforeininga av Tyskland vart mange historiske bygningar bygd opp att.

Komponisten Kurt Weill vart fødd i Dessau, og sidan 1993 har byen halde ein årleg Kurt Weill-festival. Dessau var òg fødestad for filosofen Moses Mendelssohn (i 1729) og Leopold I av Anhalt-Dessau (der alte Dessauer), ein lovprisa feltmarskalk for Preussen.

[endre] Bakgrunnsstoff

[endre] Kjelde