Den arabiske ligaen

Frå Wikipedia – det frie oppslagsverket

Flagg for Den arabiske ligaen.

Den arabiske ligaen ( (جامعة الدول العربية) , Jami'at al-Duwal al-'Arabiyya) er ein politisk organisasjon med 22 medlemsland frå den arabiske verda. Ligaen arbeider for samarbeid innan næringsliv, finansvesen, transport, kultur, helsevesen, medlemslanda sin suverenitet og fremje av sams interesser. Ligaen arbeider for at Palestina skal anerkjennast som sjølvstendig stat.

Ligaen har inga overnasjonal myndigheit over medlemslanda, og spelar slik ei mindre omfattande rolle enn organisasjonar som til dømes EU.

[endre] Historie

Den arabiske ligaen vart grunnlagt 22. mars 1945 i Kairo, kor han har sete. Sju land var med på opprettinga.

I byrjinga jobba ligaen i særleg grad for å sikre sjølvstende for land under kolonistyre. Seinare vart hovudfokuset retta mot å fremje samarbeid mellom medlemslanda. Ligaen har også spelt ei rolle i Israel-Palestina-konflikten. I 1948 gjekk seks av medlemslanda (Irak, Syria, Libanon, Transjordan, Egypt og Saudi Arabia) til angrep mot den nyoppretta staten Israel.

[endre] Medlemsland

Den arabiske ligaen er samansett av 22 medlemsland; 21 nasjonalstatar i Nord-Afrika og Midt-austen forutan Palestina.

Det bur over 300 millionar menneske innanfor ligaen. Talet (i millionar) på innbyggjarar i kvart land står i parentes bak landet.

Egypt (77)
Algerie (32)
Bahrain (0,7)
Djibouti (0,5)
Irak (26)
Jemen (19)
Jordan (5,7)
Qatar (0,8)
Komorane (0,5)
Kuwait (2,3)
Libanon (3,7)
Libya (5,7)
Marokko (32)
Mauritania (3,0)
Oman (3,0)
Palestina (3,0)
Saudi-Arabia (24)
Somalia (10)
Sudan (38)
Syria (17)
Tunisia (10)
Dei sameinte arabiske emirata 2,4

[endre] Administrasjon

Generalsekretær er sidan 2001 egyptaren Amr Moussa.

**Generalsekretær for den arabiske liga**
Namn	Nasjonalitet	Byrja	Slutta
Abdul Rahman Hassan Azzam	Egypt	1945	1952
Abdul Khlek Hassouna	Egypt	1952	1972
Mahmoud Riad	Egypt	1972	1979
Chedi Klibi	Tunisia	1979	1990
Dr. Ahmad Esmat Abd al Meguid	Egypt	1991	2001
Amr Moussa	Egypt	2001	no