Cavalli Islands
Frå Wikipedia – det frie oppslagsverket
Cavalli Islands er ei lita øygruppe i Whangaroa på austkysten til regionen Northland på Nordøya New Zealand. Dei ligg fem kilometer aust for havbukta Matauri Bay på Nordøya..
Gruppa består av øyene Motukawanui (areal 3,40 km²) og dei mindre øyene Motutapere, Panaki, Nukutaunga, Motuharakeke, Haraweka og Motukawaiti. Den største øya er gjort til eit naturreservat, nokre av dei mindre er i privat eige.
2. desember 1987 vart skroget til den sprengde Greenpeacebåten Rainbow Warrior senka mellom Matauri Bay og Cavalli Islands, for å tena som eit dykkemål og som reservat for fisk. Dette vart sett på som eit høveleg endelikt for dette skipet.
