Barry Marshall
Frå Wikipedia – det frie oppslagsverket
Barry J. Marshall, M.D. (fødd 30. september 1951 i Kalgoorlie, Western Australia) er ein australsk lækjar og professor i klinisk mikrobiologi ved University of Western Australia (UWA). Han er kjend for å ha prova at bakterien Helicobacter pylori er den fremste grunnen til magesår. Dette var stikk i strid med gjeldande medisin i årtier som hevda at magesår skuldast stress, krydra mat og for mykje syre.
Professor Marshall var ferdig utdanna som lækjar ved University of Western Australia i 1974. Han møtte Robin Warren, ein patolog med interesse for gastritt, under spesialiseringa i indremedisin ved Royal Perth Hospital i 1981. Saman forska dei på samanhangen mellom spiralbakteriar og gastritt. Hypotesa om samanhangen mellom Helicobacter pylori og magesår og magekreft kom i 1982.
Teorien om H. pylori blei gjort til lått av etablerte vitskapsfolk og lækjarar, ein trudde ikkje at nokon bakteriar kunne leva i den sure magesekken. For å få folk til å sjå nærare på torien hans drakk Marshall eit reagensrøyr med bakteriar og fekk raskt magesår. Magesåret kurera han med antibiotika.
I 2005, fekk han og Robin Warren Nobelprisen i fysiologi eller medisin «for si oppdaging av bakterien Helicobacter pylori og hans rolle ved gastritt og magesår». Professor Marshall driv fortsatt forsking på H. pylori og leiar eit laboratorium ved UWA.
[endre] Andre prisar
- Albert Lasker Award for Clinical Medical Research i 1995
- Gairdner Foundation International Award i 1996
- Liste over andre prisar
[endre] Referansar
- Marshall BJ. Unidentified curved bacillus on gastric epithelium in active chronic gastritis. Lancet 1983;1((8336):1273-1275. PMID 6134060.
- Marshall BJ, Warren JR. Unidentified curved bacilli in the stomach patients with gastritis and peptic ulceration. Lancet 1984;1(8390):1311-1315. PMID 6145023.
- http://www.vianet.net.au/~bjmrshll/features2.html
- http://www.usnews.com/usnews/doubleissue/heroes/marshall.htm
