The Year of Living Dangerously

Vun Wikipedia

The Year of Living Dangerously (dt.: Ein Jahr in der Hölle) is en austraalsch Filmdrama vun 1982 mit Peter Weir as Speelbaas. De Hööftrullen hebbt Mel Gibson, Sigourney Weaver u Linda Hunt speelt. De Inholt baseert op en Roman vun C. J. Koch, de ok en vun de Dreihbookschrievers weer.

Inholtsverteken 1 Inholt 2 Kritiken 3 Utteken 4 Anners wat 5 websteden

[ännern] Inholt

Guy Hamilton arbeit as Reporter för en austraalsche Narichtenagentur. Mitt vun de 1960er Johren warrt he na Jakarta schickt, woneem he ünner den slechten Roop vun sien Vörgänger to lieden hett. Kort nadeem he ankamen is dröpt he den lüttwassigen chineeschen Fotografen Billy Kwan, de vör Guy arbeiten deit un dör sien Kontakte un sien Weten över Indonesien hülpt, gode Geschichten rantokriegen. Dorför kriggt he de Opdrääg för de Biller to Hamiltons Berichten.

Över Billy dröpt Guy denn ok Jill Bryant, de in de britschen Bottschop arbeit. Ofschoonst se nich mehr lang in Jakarta blieven will, versocht Guy, wat mit ehr antofangen. As he spitz kriggt, dat Billy en Akte över em anleggt hett, krieggt Guy den Verdacht, dat he en Snüffler is, aver Jill kann em beruhigen. Se vertellt, dat Billy över all Minschen en Akte anleggt, de em wat weert sünd.

Vun Jill warrt Guy wies, dat in en Börgerkrieg bevörsteiht, as en Schipp mit Wapen för de Kommunisten in’t Land op’n Weg na Indonesien is. Dat hett se em seggt, dormit he noch rechttietig ut dat Land verswinnen kann. Foorts fangt Guy aver dormit an, disse Informatschoon för sien Beroop to nütten un versöcht mehr över dat Schipp ruttofinnen. Jill is dorvun teemlich dalslahn un maakt mit em Sluss.

Mitnahmen vun den Dood vun en lütt Kind, stellt sik Billy gegen den Präsidenten Sukarno un hangt ut Protest gegen Armot un Hunger en Transparent ut en Hotelfinster. Sekerheitslüüd finnt em aver, noch beför Sukarno dat Transparent överhööft to sehn kriggt un stört em ut dat Finster. He blifft in de Arms vun Guy dood. Kort dorna geiht dat mit den Börgerkrieg los. Guy versocht doröver to berichten, warrt dorbi aver vun en Soldat verletzt. Frünnen versorgt em un bringt em na Billy Huus, woneem he nix doon kann as op dat End vun’n Krieg to töven. As he wies warrt, dat de Kommunisten verloren hebbt un he wieterarbeiten künn, faat he aver den Entsluss sik na’n Flaaghaven dörtoslahn un dat Land doch to verlaten. In’n Fleger dröpt he opletzt Jill wedder.

[ännern] Kritiken

Lexikon vun’n internatschonalen Film: Melodramatische Spannungsgeschichte, die sich weniger um den zeitgeschichtlichen Hintergrund kümmert, sondern über die Hoffnung auf Selbsterkenntnis des einzelnen und eines ganzen Volkes reflektiert. Filmisch dicht und überzeugend, voller Querverweise zwischen innerer und äußerer Erzählebene.

Annere Kritikers hebbt den Film as en goot, romantisch Melodram beschreven un de Regie un de Schauspelers looft.

[ännern] Utteken

Dat de Film goot opnahmen worrn is, wiest de grote Tall an Nomineeren. Acht Priesen hett de Film wunnen, för wietere 15 weer he nomineert. Wunnen hett he:

• 1983: den AFI Award in de Kategorie Best Nevendorstellerin för Linda Hunt.
• 1983: den NBR Award in de Kategorie Best Nevendorstellerin för Linda Hunt.
• 1983: den NYFCC Award in de Kategorie Best Nevendorstellerin för Linda Hunt.
• 1983: den LAFCA Award in de Kategorie Best Nevendorstellerin för Linda Hunt.
• 1984: den Oscar in de Kategorie Best Nevendorstellerin för Linda Hunt in ehr männlich Rull as Billy.
• 1984: den BSFC Award in de Kategorie Best Nevendorstellerin för Linda Hunt.
• 1984: den CEC Award vun’n Cinema Writers Circle Awards, Spanien in de Kategorie Best utlännsch Film.
• 1984: den KCFCC Award in de Kategorie Best Nevendorstellerin för Linda Hunt.

[ännern] Anners wat

De Film weer an Öörd in Australien un op de Philippinen dreiht.

[ännern] websteden

• The Year of Living Dangerously in de Internet Movie Database
• Kritiken op Rotten Tomatoes
• The Year of Living Dangerously op www.prisma-online.de (dt.)