Shattered (Film)
Vun Wikipedia
| Filmdaten | |
|---|---|
| Plattdüütsch Titel: | — |
| Originaltitel: | Shattered |
| Düütsch Titel: | Tod im Spiegel |
| Produkschoonsland: | USA |
| Johr vun’t Rutkamen: | 1991 |
| Läng: | 96 Minuuten |
| Originalspraak: | Engelsch |
| Öllersfreegaav in Düütschland: | FSK 16 |
| Filmkru | |
| Speelbaas: | Wolfgang Petersen |
| Dreihbook: | Wolfgang Petersen Richard Neely |
| Produkschoon: | Wolfgang Petersen John Davis David Korda |
| Musik: | Alan Silvestri |
| Kamera: | László Kovács |
| Snitt: | Glenn Farr Hannes Nikel |
| Dorstellers | |
|
|
Shattered (dt.: Tod im Spiegel) is de Titel vun en US-amerikaanschen Psychothriller vun 1991, de to lieken Tiet ok de eerste Film vun spoodrieken Speelbass Wolfgang Petersen in Hollywood weer.
Inholtsverteken |
[ännern] Inholt
Dan Merrick hett an en Kliff en sworen Unfall mit sien Auto. Wiel sien Fro Judith ut dat Auto sleudert warrt un dorüm den Unfall mit blots en poor Schrapens översteiht, grenzt dat an en Wunner, dat Dan dat överleeft. Mit sworste Veletzen un en Gedächtnisverlust kummt he in’t Krankenhuus. Blots dör en ganze Reeg vun Operatschonen warrt sien Utsehn wedder enigermaten torechtmaakt, man sien Gedächtnis blifft to’n Deel vergraven. Judith kümmert sik üm en un versocht, em langsom wedder in sien Leven torüch to bringen.
As Dan sik wedder ünner Lüdd troot, föhrt he mit sien Fro Judith op Besök na sien Gewarfskollegen Jeb un sien Fro Jenny. Dor kriggt he mitm, dat he vör sien Unfall Ehproblemen harr un sien Fro Judith em frömdgahn weer. Na un na kriggt he mit de Daag rut, dat he den Privatdetektiv Gus Klein anhüert harrt, üm sien Fro natospioneeren. As Jenny Dan denn vertellt, dat se ok mitenanner verbannelt weern un he wegen ehr sien Fro an sik verlaten wull, krummt em de Verdacht un Twiefel, dat de Unfall in Wohrheit mööglicherwies gor keen Unfall weer. He geiht wedder na den Detektiv un versocht, mehr över sien verleden Tiet ruttofinnen.
De Henwiesen warrt mehr, dat Judith nich so recht de Wohrheit seggt harr över den Unfall. Un op eenmol duukt ok Jack Stanton wedder in de Stadt op, de Kerl, de för den Unfall wat mit Judith hatt harr. Gus un Dan kummt dorbi de Infall, dat de Unfall villicht en vörtüüschten Anslag op Dans Leven weer un nu noch en tweeten Versök maakt warrn schall. Man unvermodens stellt Dan fast, de disse Stanton sien egen Fro Judith weer, de em nu vertellt, dat se blots versocht harr, em to schuulen. Se wull den Detektiv glöven laten, dat Stanton noch leeft – den neemlich harr Dan sülvst ut Ieversucht doodschooten an den Avend vun den Unfall. De Liek weern se in en Schipswrack an de Küst losworrn, wat Chemieaffäll laadt harr.
De Saak warrt jümmers komplizeerter. As den Jenny noch an’n Telefon Dan ünner Druck setten deit un em warnt, na de Polizei to gahn, föhrt he na ehr hen, man he findt ehr doodslahn in ehr Wahnung vör. Dorbi warrt he vun den Detektiv opdeckt, de em achterran föhrt weer. Tohopen föhrt se na dat olle Wrack, wo Dan opletzt hofft, sien Gedächtnis wedder torüch to finnen, indem he sik mit Stantons Liek konfronteert. In een Chemikalientank finnt he ok tatsächlich den Doden – de Liek aver is nich Stanton, man he sülvst...
[ännern] Achtergrund
Shattered weer de eerste Hollywood-Film vun den Speelbaas Wolfgang Petersen, de teihn Johr vörher mit Das Boot sien Dörbrook harr. Dat Dreihbook hett Petersen sülvst schreven na de Romanvörlaag „Plastic Nightmare“ vun Richard Neely. För den Film stünnen ruchweg 22 Mio. US-Dollar praat. De Film weer in San Francisco, Kalifornien, un an de Küst vun Oregon, beides in de USA, dreiht.
[ännern] Kritiken
- Ein raffiniert konstruierter Thriller im Geist der „Schwarzen Serie“, gut gespielt und unerhört spannend. Einige weniger originelle Regie-Einfälle und ein mangelndes Gespür für Subtilität trüben den positiven Gesamteindruck.[1]
- Petersens Hollywood-Einstand ist ein perfekter Thriller mit Hitchcock-Anleihen, dem man einige Ungereimtheiten und Unklarheiten gern verzeiht.[2].
- Bob Hoskins jagt in dessen Rolle keinen Comic-Figuren hinterher(Roger Rabbit), aber viel mehr Profil haben die Charaktere beim "Tod im Spiegel" auch nicht. Die eigentlich spannende Handlung wird voraussehbar präsentiert, nur akustische Schocks können noch für Überraschung sorgen. [...] Die schwarz-weiß Fotos sehen noch recht stilvoll aus, aber die Farbbilder sind fernsehmäßig flach. Insgesamt ein leidlich spannender Fernsehfilm mit drei Stars, die unter den Erwartungen bleiben.[3]
[ännern] Utteken
As de Kritiken al vermoden laat, hett de Film keen grote Priesen winenn künnen. Man blots en Nomineeren für Wolfgang Petersen för den Critics Award vun dat Deauville Film Festival keen dorbi to Gang.
[ännern] Weblinks
[ännern] Quellen
- IMDb
