Reinhard Goltz
Vun Wikipedia
Reinhard Goltz (* 1953 op Finkwarder) is een vun de dree Baaslüüd vun dat Institut för nedderdüütsche Spraak in Bremen.
Goltz hett lang bi dat Preußische Wöörbook mitarbeidt un dat mit rutgeven. He is siet 2002 Spreker vun den Bundsraat för Nedderdüütsch un weer 1998 bet 2007 Vörsitter vun de Klaus-Groth-Sellschop. Bi den Landdag vun Sleswig-Holsteen sitt he in den Biraat för Plattdüütsch.
Goltz hett ok mit Hartmut Cyriacks un Peter Nissen tohooparbeidt un mit de beiden de plattdüütschen Asterix-Bänn rutgeven un dat Book Mit Käpten Donald op hoge See. 1996 hett he mit dat Kabarett De scheewe Dree, in dat he mitdoon dee, den Nedderdüütschen Literaturpries vun de Stadt Kappeln kregen.
