Middelsassisch

Vun Wikipedia

Middelsassisch oder Middelnedderdüütsch heet dat Plattdüütsche so as dat to Hansetieden snackt worrn is.

[ännern] Historie

Dat Sassische is toeerst in dat 9. Johrhunnert as Schriftspraak bruukt worrn. Dat weer de ooltsassische Phaas. Denn geev dat bet in’t 13. Johrhunnert kuum schreven Text op Sassisch. De eerste gröttere middelsassische Text weer de Sassenspegel vun Eyke vun Repgow, de so bi 1225 schreven worrn is. Middelsassisch keem nu in wieden Gebruuk as Schriftspraak. De Hanse hett vun dat late 13. Johrhunnert af an bet in dat 16. Johrhunnert all ehr Geschäften op Middelsassisch utmaakt. In all Länner rund üm Noord- un Oostsee weer de Spraak in’n Hannel Lingua franca. De Spraken in Skandinavien un in’t Baltikum hebbt in disse Tiet en ganzen Hümpel Wöör ut dat Sassische övernahmen. Bi 50 % vun all Wöör in de skandinaavschen Spraken stammt ut dat Middelsassische. Mit dat 16. un 17. Johrhunnert güng dat mit de Hanse gau bargdal. As Schriftspraak dee sik nu dat Hoochdüütsche dörsetten. Dat Sassische is denn eerst wedder in dat 19. Johrhunnert Schriftspraak worrn un is nu Plattdüütsch heten worrn.

[ännern] Later

Dat Middelsassische hett 2007 den ISO-639-Kood gml tokennt kregen.

[ännern] Literatur

• Agathe Lasch: Mittelniederdeutsche Grammatik. 1914
• Agathe Lasch un Conrad Borchling: Mittelniederdeutsches Handwörterbuch. siet 1928, noch nich trech
• Karl Schiller un August Lübben: Mittelniederdeutsches Wörterbuch. 1875-1881
• August Lübben: Mittelniederdeutsches Handwörterbuch. 1888