Mattfeld

Vun Wikipedia

Wapen/Flagg	Koort
Basisdaten
Bundsland: Neddersassen
Flach:	35,06 km²
Inwahners:	2.828 (2006-12-31)
Inwahnerdicht:	80,7 Inwahners pro km²
Postleettall:	27327
Vörwahl:	04255
Geograafsche Laag:	Koordinaten:52° 31′ N, 9° 2′ O52° 31′ N, 9° 2′ O
Börgermeester:	Marlies Plate, GRÖÖN
Websteed:	www.martfeld.de

De Gemeen Mattfeld höört to de Samtgemeende Brooksen-Vilsen in den Landkreis Deefholt in Neddersassen. Dor wahnt bi 2.800 Inwahners.

Inholtsverteken 1 Laag 2 Oortsdelen 3 Historie 4 Politik 4.1 Gemeenderaat 4.2 Fründschup mit Gemenen ut dat Utland 5 Wat los is un wat een sik ankieken kann 5.1 Bowarken 5.2 Catherinen-Kark 5.3 Theater 5.4 Bildung 6 Weblinks

[ännern] Laag

Mattfeld liggt bi 36 km süüdlich vun Bremen. Nabergemeenden sünd Swarm un Brooksen-Vilsen.

[ännern] Oortsdelen

Ünner annern höört düsse Oortsdelen na Mattfeld to:

• Hollen
• Hustä'e
• Lüttjen Bössel
• Loge
• Mattfelder Heid
• Tuschendörp

[ännern] Historie

To'n eersten Mol steiht de Naam vun Mattfeld in en Urkunn ut dat Johr 1179 to lesen. Düsse Urkunn is unnerschreven vun Paapst Alexander III. Dor staht unner annern düsse Wöör in:

...CURTIS in MERDVELDE cum CAPELLA et PERTINENTIIS SUIS

Dat heet: Hoff in Mattfeld mit Kapell un wat dor suß noch tohören deit. De Naam vun Mattfeld is dormols also Merdvelde. De Hoffsteed vun düssen Hoff, de dor beschreven warrt, de gifft dat hüdigendags noch midden in't Dörp. Fröher schall dat ok Striet un Dootslag geven hebben mit de Nabergemeen Swarm. Dor schall dat bi üm de Heid gahn hebben, de hüdigendags to Mattfeld tohören deit.

[ännern] Politik

[ännern] Gemeenderaat

• SPD: 3 Sitten
• Bündnis 90/De Grönen: 2 Sitten
• Wi för Mattfeld: 3 Sitten
• Unafhängige List Mattfeld: 5 Sitten

[ännern] Fründschup mit Gemenen ut dat Utland

• La Bazoge in Frankriek

[ännern] Wat los is un wat een sik ankieken kann

[ännern] Bowarken

• De Feldmöhl vun Mattfeld steiht to'n eersten Mol in dat Johr 1583 in en Urkunn. Dat weer en Bockwindmöhl. 1827 is se an een vun de Vöröllern vun den hüdigen Egner verköfft wurrn. 1840 is se to'n Galerie-Hollänner mit dree Stockwark ümboot wurrn. 1851 is dor de Blitz inslahn. Dor is se heel un deel bi afbrennt, man in datsülbige Johr is se wedder upboot wurrn. 1957 sünd de Flunken, de Dreihkranz un de Windroos afboot wurrn. 1992 güng dat denn los, un de ole Möhl is wedder up Schick bröcht wurrn. 1997 weer se butenrüm fardig un 1999 weer ok binnen allens kloor. De Möhl is de öllste Windmöhl in de Samtgemeen.
• 1871 is Fehsenfeld siene Möhl as en Galerie-Hollänner mit dree Stockwark boot wurrn. 1904 is se verköfft wurrn. Dat geev nich genug Kunnen. Man bit 1971 is dor mahlt wurrn. Up Schick bröcht wurrn is de Möhl 1991. Dor gifft dat noch veer Mahlgäng. Hüdigendags warrt de Möhl ok för Hochtieden bruukt.

[ännern] Catherinen-Kark

De Kapell ut de Urkunn vun Alexander III. is 1420 utboot wurrn to en Kark. Mit de Johren is dor hen un wenn wat anboot wurrn. Man 1810 weer de ole Kark in'n Dutt un möss afreten weern bit up de Grundmuern. Mit egen Geld is denn avers in bloß twee Johren en nee Kark henstellt wurrn. De Kanzel in'n Stil vun dat Empire is dat Smuckstück. 1998 hett de Mattfeller Karken brennt, man midderwielen is allens wedder herstellt.

[ännern] Theater

• Eenmol in't Johr gifft dat Plattdüütsch Theater in dat Gasthuus Soller.

[ännern] Bildung

• Dat gifft en Grundschool mit de Klassen 1 - 4.

[ännern] Weblinks

• Offizielle Websteed vun Mattfeld
• Samtgemeende Brooksen-Vilsen