Luthersche Kark
Vun Wikipedia
[ännern] Organisatschoon un Ünnerdelen
Evangeelsch-Luthersche Karken sünd Karken, de ehr Gloven up den Grund vun de Bibel mit Oolt un Nee Testament steiht. Jem ehr Bekenntnis geiht to'n goden Deel torüch up de Dogmen vun de Ole Kark. In de Tiet vun de Reformatschoon hefft düsse Karken jem ehrn Gloven tohopenfaat in de Bekenntnisschriften vun de evangeelsch-luthersche Kark. Düsse Schriften sünd verfaat' un tohopenstellt bi de Reformatschoon vun Wittenberg vun Martin Luther un annere luthersche Theologen, as Philipp Melanchton.
Hüdigendags gifft dat bi de lutherschen Karken dree grote Gruppen. Se weert över de ganze Welt in dree Organisatschonen tohopenfaat':
- De Luthersche Weltbund. He is 1947 grünnt wurrn. Dor höört nu 147 Karken to, mit bi 66 Mio. Liddmaten. Ok de Evangeelsch-Lutherschen Landskarken in Düütschland un de Evangelical Lutheran Church in America höört dor mit to.
- De Internatschonale Luthersche Raat. Dor höört 30 Karken mit bi 5 Mio. Liddmaten mit to. Dormank sünd ut Düütschland de Sülvstännig Evangeelsch-Luthersche Kark un ut de USA de Lutheran Church - Missouri Synod.
- De Konfessionelle Evangeelsch Luthersche Konferenz. Dor höört 19 Karken to, unner annern de Evangeelsch-Luthersche Freekark in Düütschland.
De meisten Lutheraner in annere Länner sünd in Noordamerika, Estland, Sweden, Norwegen, Däänmark un Kasachstan tohuse.
[ännern] Theologie un Lehr
De Luthersche Kark is de evangeelsche Kark, de glöövt, dat twee Rebeete Heven un Eer sünd, in de annere Regeln sün, dat sündig Wesen de Schuld vun de Minsche makt un dat de Christen noh de Daud gliks in de Heven kömmt.
