Diskuschoon:List vun plattdüütsche Tonaams

Vun Wikipedia

Also: Gozzo, dat kümmt mi doch gediegen vör! Hebb ik ok noch nie nich höört. Man dat gifft den olen Naam Gootje. Dat dücht mi een korte Form vun Gottfried oder Gotthardt. Gottfried Menken sien Vadder heet Gootje. Gottfried is 1768 in Bremen baren, de Vadder um un bi 1740. Ik kann mi düsse Reege: Gootje - Gootsen - Goossen vörstellen. Tomalen dat ok noch denn Tonamen Gotzen gifft. De warrt woll jümmers mit een kort o utspraken, is aber sachs nix anners, as Goot-sen = Gootzen = Gotzen (lang utspraken). Een möss sachs noch mal kieken, of de Naam Gootje annerwegens, as in Bremen, noch bekannt is un wat vun lieke Naams dat sünst noch gifft. Bolingbroke

Lesen heff ik dat bi Ancestry.com. Ans hebbt se mehrsttiets recht. Ob dat hier ok de Fall is, weet ik nich. Ik heff ja schreven, dat mi dat ok komisch vörkaamt. Ancestry.com schrifft ja dorvun, dat dat amenn vun god, good. gott kummt. --::Slomox:: >< 11:58, 30. Jun 2006 (UTC)

Mal en beten af vun't Thema: Is dat Afsicht, dat du keen Datum bi diene Signatur bruukst? Geiht doch ganz licht, wenn du --~~~~ schriffst. Denn weet een naher noch, wannehr du dat schreven hest. --::Slomox:: >< 12:04, 30. Jun 2006 (UTC)

Slomox, Du hest Rademacher to Rademaker ännert, wat nah de plattdüütsche Schrievwies ja woll richtig is. Blots bi mien Ahnen gifft dat tatsächlich Rademacher. Un Nu? Eastfrisian 22:03, 22. Jun 2007 (CEST)

Ok op Platt? Ik kenn ok welk un de doot Rademacher op hoochdüütsch un Roomoker op Platt heten. --::Slomox:: >< 12:07, 23. Jun 2007 (CEST)

Ah, jetzt mark ik eerst, up wat dat daal geiht. Dat is ja dat sülvig as bi Hinnerk Wilhelm Kopp. De Problematik geiht in mien Kopp woll nich rin. Denn is dat woll richtig, wat Du schriffst. Eastfrisian 14:59, 23. Jun 2007 (CEST)