Johann Hieronymus Schröter
Vun Wikipedia
Johann Hieronymus Schröter (* 30. August 1745 in Erfurt; † 29. August 1816 ok dor) weer een düütschen Astronom.
Siet 1778 weer he Böveramtmann in Lelendaal bi Bremen. Dor hett he aber ok privat een groten Steernwacht inricht, de tietwies dat tweetgröttste Teleskop harr, nah dat Teleskop van Wilhelm Herschel, dat wat grötter weer. Schröter sien Teleskop harr een Dörmeter van meest 50 cm. Karl Ludwig Harding weer dor tietwies ok as Observator tätig.
Schröter hett sück am meesten mit den Maand- un Planetenforschung beschäftigt. 1813 hebbt hüm de Franzoosen aber sien Steernwacht kört un kleen hauen.
He hett ok een paar astronoomsch Böker schreben:
- 1796: Die Aphroditographischen Fragmente zur genaueren Kenntnis des Planeten Venus
- 1802: Selenotopographische Fragmente (2 Böker)
- 1808: Die Kronographischen Fragmente zur genaueren Kenntnis des Planeten Saturn.
Nah hüm sünd nömmt:
- de Schröter-Effekt
- Schröters Regel.
