Ghost Busters
Vun Wikipedia
| Filmdaten | |
|---|---|
| Plattdüütsch Titel: | — |
| Originaltitel: | Ghost Busters |
| Düütsch Titel: | Ghostbusters – Die Geisterjäger |
| Produkschoonsland: | USA |
| Johr vun’t Rutkamen: | 1984 |
| Läng: | 101 Minuuten |
| Originalspraak: | Engelsch |
| Öllersfreegaav in Düütschland: | FSK 12 |
| Filmkru | |
| Speelbaas: | Ivan Reitman |
| Dreihbook: | Dan Aykroyd, Harold Ramis |
| Produkschoon: | Ivan Reitman |
| Musik: | Elmer Bernstein |
| Kamera: | László Kovács |
| Snitt: | David E. Blewitt, Sheldon Kahn |
| Dorstellers | |
|
|
De Film Ghost Busters is en US-amerikaansch Actionkummedie ut dat Johr 1984. De tweete Deel Ghost Busters II is 1989 rutkamen. Bito sünd twee Tekentrickserien tostannen kamen: The Real Ghost Busters (1986–1991, weer later in Slimer! And The Real Ghostbusters ümnöömt) un Extreme Ghostbusters (1997). En drütten Kinofilm is nich mehr tostannen kamen, wiel de fröheren Dorstellers End vun de 1990er Johren keen Intresse mehr doran harrn. Butendem egev dat rechtliche un finanzielle Problemen. Wohrschienlicher is dat opstunns, dat de Geschicht as CGI wieter geiht. för 2008 is aver toeerst mol en opwännig Videospeel plaant. Bit vundaag sünd all eenige DVDs, Computerspelen un Böker to de beiden Filmen op’n Markt kamen.
Bekannt is ok vundaag noch dat dormolige Titelleed vun Ray Parker Jr., de för den Oscar nomineert weer un de Johren darno mehrfach nee’ opleggt worrn is, so t. B. vun Run DMC, The Rasmus un Mickael Turtle.
Inholtsverteken |
[ännern] Inholt
De dree spoodlosen Wetenschopplers Dr. Peter Venkman, Dr. Raymond „Ray“ Stantz un Dr. Egon Spengler warrt ut de Universität rutsmeten un grünnt dorophen in New York City en Agentur as Geisterjagers.
Versteiht sik vun sülvst, dat dat Gewarf man blots langsom in de Gäng kummt, bit in de Stadt op’n Slag en ganze Reeg vun paranormal Saken passeert, wodör se vun nu op gliek teemlich beropen warrt un jemehr Agentur noch en beten vergröttern künnt. So kummt ok Winston Zeddemore as wieteren Geisterjager dorto.
Dat duert nich lang, bit de Geisterjagers vör jemehr sworsten Opgaav staht, as Gozer, de Tonichtenmaker, en Gott de in dat antike Mesopotamien vun de Sumerer un de Hethiter verehrt worrn is, versöcht mit de Help vun den Halfgott Zuul un den Dämon Vinz Clortho in uns Welt torüch to kommen.
Dat Tohopendrapen, un dormit de Film, finnt sien Hööchpunkt in en Tempel op’t Dack vun en Hoochhuus, dat vun en fimmeligen Architekten un Gozer-Anbeder utklamüstert woorn is.
In en Nevengeschicht entwickelt sik en Leevgeschicht twüschen Dr. Venkman un Dana Barrett. Dana warrt to lieken Tiet vun den seltsomen Stüerberaader Louis Tully anhimmelt. In’n Verlop vun’n Film, kommt Dana un Louis ünner den Influss vun Gozer un wannelt sik to Doorwachter un Slötelmeester, welke dat Torüchkamen vun Gozer eerst möglich maakt un de Gestalt vun Waterspeers annehmt.
Nevenfiguren vun den Film sünd de „Marshmallow-Mann“ (in’n Original „Stay Puft Marshmallow-Man“) un „Slimer“, de verfreten Geist ut dat Hotel.
[ännern] Kritiken
- "Die erstaunliche Perfektion der Spezial-Effekte steht in umgekehrtem Verhältnis zur Intelligenz der Story und Dramaturgie. Eine sich verselbständigende Trickschau, deren beabsichtigte Komik nur schwach zu ahnen ist; immerhin unterhaltsam, wenn auch durch die deutsche Synchronisation zusätzlich belastet." - „Lexikon vun’n internatschonalen Film“, Systhema, München 1997
- "Wenn Dr. Peter Venkman (Bill Murray) und sein Team auf Geisterjagd gehen, sind Spaß und höherer Blödsinn garantiert. Die beiden Gruselkomödien zählen fraglos zu den ewigen Klassikern von Unterhaltungsroutinier Ivan Reitman.".[1]
- "Man kann aber auch den anderen Weg gehen und den Film als Komödie planen und sie dann auf gruselig trimmen. Der Trick: Die gruseligen Aspekte dürfen ihrerseits nicht lächerlich wirken. Nur dann kann das Ganze funktionieren. Und genau das haben die Autoren und Darsteller Dan Aykroyd (The Blues Brothers) und Harold Ramis (Groundhog Day) unter der Regie von Komödienspezialist Ivan Reitman in „Ghostbusters“ perfekt hingekriegt."[2]
[ännern] Anners wat
- För de Rullen as Geisterjagers weern oosrpünglich John Belushi, Dan Aykroyd un Eddie Murphy vörsehn.
- Dreiht woorn is de Film in New York un Los Angeles.
- För de Trickeffekten weer Richard Edlund verantwoortlich, de ok för de Star Wars Episoden IV, V un VI un ok bi Indiana Jones för de Effekten tostännig weer.
[ännern] Utteken
De Ghost Busters weern för twee Oscars nomineert, neemlich in de Kategorien Best Trickeffekten för Richard Edlund, John Bruno Mark Vargo un Chuck Gaspar un Best Leed för Ray Parker Jr.
De Film hett 1985 veer Priesen wunnen:
- den Saturn Award för den Besten Fantasyfilm
- den BAFTA Film Award för dat Best Titelleed
- de Golden Lienwand
- den Young Artist Award för den Besten Familienfilm
