Elektrolys
Vun Wikipedia
En Elektrolys is en cheemsch Reakschoon, bi de elektrischen Strom insett ward, een cheemsch Verbinnen ellers een Gemisch utnannertodröseln.
Eenfach is de Elektrolyse vun Water, bi de Waterstoff un Suerstoff rutkümmt.
Elektrolyse ward ook insett för dat Reinmoken vun Kopper, to'n Bispeel in de Norddüütsche Affinerie in Hamborg.
De Elektrolys mutt in een Fletigkeit mookt warrn. Dat kann Water sien, aver ok smölt Solt oder Metall. So ward to'n Bispeel Aluminium mookt. Op de een ellers de anner Oort mööten obers Ionens binnen wesen.
Dat Prinzip is, dat in de Fletigkeit twee Elektroden rinkümmt. En is de Pluspool (Anood), een de Minuspool (Kathood). Denn wannert de positiv opladen Ionen (Kationens) na de Kathood, vun wegen dat sick + un - antreckt. Un de negativ opladen Ionen (Anionens) wannert denn na de Anood, vun wegen dat dor jo Plus is.