Alpes-Maritimes
Vun Wikipedia
Dat französische Departement Alpes Maritimes liggt an't Middelmeer un geht vunne Côte d'Azur int alpine Binnenland. Bekannte Städer sünd Cannes un Nizza (frz. Nice). Alpes-Maritimes is ok umto Monaco. In'n Bezirk läwt circa 1 Mio. Inwahners.
Alpes Maritimes is ook de franzöösche Naam vun'n Deel vun de Alpen (hoochdüütsch Seealpen), wat hier de Grenzbarg twüschen Frankriek un Italien förmt.
De Römers harrn al't Johr 7 v. Chr. ene Provinz Alpes Maritimae grünn't. Ehr Hööftstadt weer Cemenelum, hüüt Cimiez, en Stadtdeel vun Nizza. Inne Tied vun ehr gröttste Utdehnung, an't End vun't 3. Johrhunnert enthollde de Provinz ok Digne un Briançon un weer de Hööftstadt nah Embrun verleggt worrn.
En Bezirk Alpes-Maritimes mit de Hööftstadt Nizza best in Frankreich ok vun 1793 bet 1815. Sine Grenzen ünnerscheden sik vun de vun'n Bezirk vun uns Tied, as dat ok Monaco un San Remo in sick harr.
De Bezirk Alpes-Maritimes vun uns Tied worr 1860 förmt, as de Graafschap Nizza an Frankriek kehm. Dat worr ut de Graafschap, de dat Arrondissement Nizza förmde, un en Deel vun'n Bezirk Var, wat de Bezirk Grasse förmde, förmt. Dat leste verklort, worüm de Stroom Var nich dör den Bezirk vun'n lieken Naam fleet: he förmde dovör de Grenz vun Frankriek un vun de Graafschap Nizza, män hüüt de Grenz twüschen de twee Arrondissements.
1947 worr dat Rebeet vun'n Bezirk Alpes-Maritimes üm de Gemenen Tende un La Brigue wieder mokt, de Italien dat lieke Jahr an Frankriek aftreden harr.
Inholtsverteken |
[ännern] Städer
- Antibes
- Cannes
- Grasse
- Menton
- Nizza (französ. Nice)
[ännern] Sehenswürdigkeiten
Sehenswerte Öörd in'n Bezirk:
- Duranus
- L'Imberguet
[ännern] Klima
Statschoon för't Meten: Cap Ferrat, 200 Meter vun't Meer weg
| maritime Klimadaten | J | F | M | A | M | J | J | A | S | O | N | D |
|---|---|---|---|---|---|---|---|---|---|---|---|---|
| Hööchste Temperatur in't Middel | 12 | 13 | 14 | 16 | 20 | 23 | 27 | 27 | 24 | 20 | 16 | 13 |
| deepste Tempertaur in't Middel | 6 | 6 | 8 | 10 | 13 | 16 | 19 | 19 | 17 | 14 | 10 | 8 |
| Antall vun bannig sünnige Daag | 5 | 5 | 6 | 5 | 4 | 5 | 11 | 9 | 8 | 8 | 6 | 5 |
| Antall Daag mit bedeckten Heven | 10 | 9 | 10 | 7 | 6 | 4 | 1 | 2 | 5 | 7 | 9 | 8 |
| Antall vun Regendaag | 7 | 7 | 7 | 6 | 5 | 4 | 2 | 3 | 4 | 6 | 8 | 6 |
| Mengde vun'n Regen in mm | 75 | 77 | 70 | 55 | 44 | 32 | 18 | 33 | 60 | 95 | 110 | 73 |
| Temperatur vun't Water in de Neeg vun de Kant | 14 | 13 | 13 | 14 | 17 | 20 | 22 | 24 | 23 | 21 | 18 | 16 |
Daag pro Jahr mit
- Regenfäll baven van 1 mm: 64
- Frost: in 9 vun 10 Jahren ahn Frost
- Snee: 1
- Donnerweder: 20
- Hagel: 1
