Aħbarijiet: Frar 2007
Minn Wikipedija, l-enċiklopedija ħielsa.
F'din il-paġna ħa naraw l-aħbarijiet prinċipali li ġraw fil-Gżejjer Maltin, fi Frar 2007.
Biex tara' x'ġara fix-xhur ta' qabel idħol: Aħbarijiet
[editja] Il-Ħadd 4 ta' Frar
- Is-Sibt 3 ta' Frar sar il-Go Mobile Malta Song for Europe Festival 2007, taħt it-tinda tal-MFCC, ġewwa Ta' Qali. Din id-darba rebħet Olivia Lewis, wara 11-il sena tipprova, bil-kanzunetta tagħha Vertigo. Vertigo li ġabet b'kollox 30,977 punt (rekord totali) għandha kompożizzjoni ta' Philip Vella u lirika ta' Gerard James Borg.
Fit-tieni post b'7,647 punt ġew il-grupp Trilogy, bil-kanzunetta Starlight, b'kompożizzjoni ta' Paul Abela u kitba ta' Joe Julian Farrugia. U fit-tilett post il-kantant ta' 16-il sena Klinsmann Coleiro, flimkien mal-mużiċisti Għawdxin Brian u Paul, b'7,550 punt għall-kanzunetta She Gives Me Wings. Kantanti oħra li ħadu sehem fil-finali huma Kevin Borg, Pamela u l-band SCAR.
- Bejn il-Ħamis 1 ta' Frar u s-Sibt 3 ta' Frar, il-Kummisjoni Elettorali kien qed tilqa n-nominazzjoniet għall-elezzjoniet lokali ta' l-10 ta' Marzu li ġej, f'22 lokalità biex jiġu eletti 140 kunsillier. B'kollox nominazzjoniet ġew mitfgħuha 242, li jinkludu 121 kandidat Nazzjonalista, 110 kandidati Laburisti, 7 għall-Alternattiva Demokratika u 4 indipendenti.
[editja] Il-Ħadd 11 ta' Frar
- Il-ġimgħa l-oħra tliet irġiel waħlu multa ta' Lm5,500 bejnithom, peress li biegħu brieret, T-shirts u arloġġi bil-kutrabandu, ġewwa r-Rabat Għawdex
- Il-bini ta' madwar il-Pizza Hut f'Triq Nofs in-Nhar, il-Belt Valletta, ġie evakkwat wara li ż-żona tal-bar ta' dan il-ħanut ħadet in-nar, it-Tlieta 6 ta' Frar filgħodu kmieni.
- Minn ta' l-inqas Lm100,000 f'djamanti, deheb u arloġġ ġew misruqa minn ġojellerija f'Portomaso, San Ġiljan, il-Ħamis 8 ta' Frar meta madwar it-8.00 p.m., żewġ irġiel libsien ta' għassiesa pparkjaw quddiem l-istabilment u ħabtu fuq il-bieb tal-ħġieġ. Hekk kif żewġ impjegati nisa fetħu l-bieb, l-irġiel għamdu wiċċhom.
- Refuġjat mill-Eritrea sofra ċertu feriti wara li sparrawli f'ġlied bejn grupp ta' Maltin u barranin ħdejn ħanut tax-xorb f'Xatt il-Mollijiet, il-Marsa, il-Ġimgħa 9 ta' Frar filgħodu.
- Il-KRS Film Distributors il-ġimgħa l-oħra qalu li l-ewwel produzzjoni ċinematografika Maltija, Qerq, li ġiet maħruġa minn din il-kumpanija din il-ġimgħa kienet fil-lista ta' l-Aqwa Għaxar Films li qed jidhru fis-swali taċ-ċinema lokali.
Qerq (12), jinsab għall-wiri fl-Eden Century Cinemas, San Ġiljan, The Empire f'Buġibba, l-Embassy tal-Belt Valletta, u fin-New Sun City Cine Palais ta' Wied il-Għajn. Dan il-film ġibed l-udjenza mill-ewwel darba li ħareġ għall-wiri mill-Erbgħa. Qerq hu film tal-Bronk Productions b'direzzjoni ta' Louis Cuschieri.
- Is-Sibt 10 ta' Frar, il-President Edward Fenech Adami fetaħ il-proġett ta' Lm300,000, il-ġnien tal-Palazz Spinola, f'San Ġiljan.
- L-Arċisqof Pawlu Cremona, is-Sibt 10 ta' Frar, iċċelebra l-festa tal-qaddis patrun tiegħu billi qaddes quddiesa fil-knisja kolleġjata ta' San Pawl Nawfraggu fil-Belt Valletta, li għaliha kien hemm preżenti l-President u s-Sinjura Fenech Adami, il-Prim Ministru u s-Sinjura Gonzi, flimkien ma' personalitajiet oħra. Il-purċissjoni bil-vara ta' San Pawl ħarġet mill-knisja imma ftiet wara reġat daħlet minħabba x-xita. Imma, il-marċ tradizzjonali mill-Banda La Vallette sar waranofsinhar bħas-soltu.
- Raġel miet u ieħor spiċċa fil-periklu tal-mewt wara li inċident ta' traffiku sar fit-triq li taqgħad lill-Mosta ma' l-Imġarr, il-bieraħ is-Sibt 10 ta' Frar, waranofsinhar.
- Il-Ħadd 11 ta' Frar, kompliet il-Maratona tax-Xagħar 2007, maratona għall-karità ta' 36-siegħa. Mijiet ta' volontiera li jinkludu diversi personalitajiet distinti mill-qasam ta' divertiment iddedikaw ftiet ħin biex jgħinu lir-Razzaet tal-Ħbiberija. L-istudenti ta' l-MCAST flimkien mar-Razzett tal-Ħbiberija organizzaw din il-maratona, li xxandret fuq l-istazzjoniet ta' televiżjoni lokali.
