മൈത്രി ഗവേഷണകേന്ദ്രം
വിക്കിപീഡിയ, ഒരു സ്വതന്ത്ര വിജ്ഞാനകോശം.
| മൈത്രി എന്ന വാക്കാല്‍ വിവക്ഷിക്കാവുന്ന ഒന്നിലധികം കാര്യങ്ങളുണ്ട്. അവയെക്കുറിച്ചറിയാന്‍ മൈത്രി (നാനാര്‍ത്ഥങ്ങള്‍) എന്ന താള്‍ കാണുക. |  |
മൈത്രി ഇന്ത്യയുടെ അന്റാര്‍ട്ടിക്കയിലുള്ള രണ്ടാമത്തെ ഗവേഷണകേന്ദ്രമാണ്‌. ഇത് 1989-ല്‍ ആണ്‌ നിര്‍മാണം പൂര്‍ത്തിയായത്. ഇന്ത്യയുടെ ആദ്യത്തെ കേന്ദ്രമായ ദക്ഷിണ ഗംഗോത്രി മഞ്ഞു മൂടി ഉപേക്ഷിക്കേണ്ട വന്ന സാഹചര്യത്തിലാണ്‌ ഇത് നിര്‍മ്മിച്ചത്. [1]. മൈത്രി, ഷിര്‍മാക്കര്‍ മരുപ്പച്ച എന്ന പാറക്കുന്നുകള്‍ നിറഞ്ഞ പ്രദേശത്താണ്‌ സ്ഥിതി ചെയ്യുന്നത്.
ഉള്ളടക്കം |
[തിരുത്തുക] സൗകര്യങ്ങള്‍
ജീവശാസ്ത്രം, ഭൂമിശാസ്ത്രങ്ങള്‍, ഗ്ലേഷിയോളജി, അറ്റ്മോസ്ഫെറിക് സയന്‍സ്, മെറ്റിയറോളജി, കോള്‍ഡ് റീജിയണ്‍ എന്‍‌ജിനീയറിംഗ്, സം‌വേദനം, മനുഷ്യ ഫിസിയോളജി, വൈദ്യം മുതലായവയില്‍ ഗവേഷണം നടത്താനുള്ള അത്യാധുനിക സൗകര്യങ്ങള്‍ ഈ കേന്ദ്രത്തില്‍ ഒരുക്കിയിട്ടുണ്ട്. മഞ്ഞുകാലത്ത് 25 ആളുകളെ വരെ ഉള്‍ക്കൊള്ളാന്‍ ഈ കേന്ദ്രത്തിനു കഴിയും. പ്രിയദര്‍ശിനി തടാകം എന്ന് നാമകരണം ചെയ്യപ്പെട്ട, ഗവേഷണകേന്ദ്രത്തിനു മുന്‍പിലുള്ള തടാകത്തില്‍നിന്നാണ്‌ കേന്ദ്രത്തിനാവശ്യമായ ശുദ്ധജലം ലഭിക്കുന്നത്.
[തിരുത്തുക] നാഴികക്കല്ലുകള്‍
നിതാന്തതാത്പര്യവും ധ്രുവശാസ്ത്രത്തിലുള്ള പ്രകടമായ ശേഷിയും പ്രകടിപ്പിച്ചുകൊണ്ട്, ഇന്ത്യ താഴെപ്പറയുന്ന നാഴികക്കല്ലുകള്‍ വിജയകരമായി പൂര്‍ത്തിയാക്കി:
- ഓഗസ്റ്റ് 19, 1983: ഇന്ത്യയെ അന്റാര്‍ട്ടിക് ഉടമ്പടിയില്‍ ഉള്‍പ്പെടുത്തി. താമസിയാതെ കണ്‍സള്‍ട്ടന്റ് എന്ന സ്ഥാനം നേടി.
- 1983: ആദ്യത്തെ സ്ഥിരമായ ഗവേഷണ കേന്ദ്രം, ദക്ഷിണ ഗംഗോത്രി, സ്ഥാപിക്കപ്പെട്ടു.
- ഒക്ടോബര്‍ 1, 1984: അന്റാര്‍ട്ടിക്കാ പര്യവേഷണത്തിനായുള്ള ശാസ്ത്രീയ സമിതിയില്‍ ഇന്ത്യയ്ക്ക് അംഗത്വം ലഭിച്ചു (SCAR).
- 1988-1989: ഇന്ത്യ രണ്ടാമത്തെ ഗവേഷണകേന്ദ്രം, മൈത്രി സ്ഥാപിച്ചു.
- 1997: അന്റാര്‍ട്ടിക് ഉടമ്പടിയുടെ ഭാഗമായി പ്രകൃതിസം‌രക്ഷണത്തിനായി ഉദ്ദേശിച്ചുള്ള പ്രോട്ടോക്കോള്‍ ഇന്ത്യ അംഗീകരിച്ചു
- 2005: ഇന്ത്യ അന്റാര്‍ട്ടിക്കയില്‍ 25 വര്‍ഷം പൂര്‍ത്തിയാക്കി. ഇതിന്റെ സ്മരണയ്ക്കായി ഇന്ത്യയുടെ രജതജൂബിലി സ്മാ‍രക പര്യവേഷണം നടത്തി.
[തിരുത്തുക] പര്യവേഷണങ്ങള്‍
ഇന്ത്യയുടെ അന്റാര്‍ട്ടിക്കാ പരിപാടിയുടെ അദ്ധ്യായം ആദ്യമായി തുറക്കപ്പെട്ടത് 1981-ല്‍ ആദ്യത്തെ ഇന്ത്യന്‍ പര്യവേഷണസംഘം ഗോവയില്‍നിന്ന് അന്‍റ്റാര്‍ട്ടിക്കയിലേക്ക് തിരിച്ചപ്പോഴായിരുന്നു. പിന്നീട് അന്റാര്‍ട്ടിക്കയുടെയും സമുദ്രഗവേഷണത്തിന്റെയും ചുമതലയുള്ള ദേശീയകേന്ദ്രത്തിന്റെ സമുദ്രവികസനവകുപ്പിന്റെ നേതൃത്വത്തില്‍ വര്‍ഷംതോറും പര്യവേഷണസംഘങ്ങളെ അയയ്ക്കാറുണ്ട്. ഇതുവരെ, വെഡല്‍ കടലിലേക്കുള്ള പര്യവേഷണവും തെക്കേ സമുദ്രത്തിലേക്കുള്ള ക്രില്‍ പര്യവേഷണവും ഉള്‍പ്പെടെ 22 പര്യവേഷണയാത്രകള്‍ നടത്തിയിട്ടുണ്ട്. 1981-ലെ പര്യവേഷണസംഘത്തിന്റെ തലവന്‍ എസ്.ഇസഡ്. ഖാസിം ആയിരുന്നു.
[തിരുത്തുക] പുറത്തേക്കുള്ള കണ്ണി
- National Centre for Antarctic & Ocean Research (NCAOR) of the Department of Ocean Development of Government of India
