മാല്വെയര്
വിക്കിപീഡിയ, ഒരു സ്വതന്ത്ര വിജ്ഞാനകോശം.
ഇന്റര്നെറ്റ് ഉപയോഗത്തില് അലോസരം സൃഷ്ടിക്കുന്ന വൈറസുകളല്ലാത്ത പ്രോഗ്രാമുകളാണ് മാല്വെയറുകള്(malware). ബ്രൌസറുകളുടെ നിയന്ത്രണം ഏറ്റെടുത്ത് തെറ്റായ സേര്ച്ചിംഗ് നടത്തിക്കുക, പോപ് അപ് പരസ്യങ്ങള് പ്രദര്ശിപ്പിക്കുക, ഉപയോക്താവിന്റെ ബ്രൌസിംഗ് പ്രവണത ചോര്ത്തുക എന്നിവയാണ് മാല്വെയറുകളെ കൊണ്ടുള്ള ദോഷങ്ങള്. തന്മൂലം കമ്പ്യൂട്ടറിന്റെ പ്രവര്ത്തനം മന്ദഗതിയിലാകുന്നു. പൊതുവെ മാല്വെയറുകള് കമ്പ്യൂട്ടറിലെ വിവരങ്ങള് നശിപ്പിക്കാറില്ലെങ്കിലും ഇന്റര്നെറ്റ് ഉപയോക്താക്കള്ക്ക് ഇത് വല്ലാത്ത ഒരു തലവേദന തന്നെയാണ്. മിക്കവാറും മാല്വെയറുകള് കമ്പ്യൂട്ടറില് നിന്ന് നീക്കം ചെയ്താലും സ്വയം ഇന്സ്റ്റാള് ചെയ്യാന് കഴിവുള്ളവയാണ്. സൗജന്യമായി ലഭിക്കുന്ന സോഫ്റ്റ്വെയറുകളോടൊപ്പമാണ് ഇവ നമ്മുടെ കമ്പ്യൂട്ടറുകളിലെത്തുന്നത്.
malicious, software എന്നീ പദങ്ങളില് നിന്നാണ് മാല്വെയര് എന്ന വാക്ക് ഉണ്ടായത്.
ഉള്ളടക്കം |
[തിരുത്തുക] മാല്വെയറുകള് പല തരം
മാല് വെയറുകളെ ആഡ്വെയറുകള്, സ്പൈവെയറുകള്, ഹൈജാക്കറുകള്, ടൂള്ബാറുകള്, ഡയലറുകള് എന്നിങ്ങനെ തരം തിരിക്കാം.
[തിരുത്തുക] ആഡ്വെയറുകള്
ബ്രൌസിംഗ് സമയത്ത് സ്ക്രീനില് പരസ്യങ്ങള് പ്രത്യക്ഷപ്പെടുത്തുന്ന തരം മാല്വെയറുകളാണ് ആഡ്വെയറുകള്. പോപ്അപ്പുകള്, പോപ്പ്ആഡുകള് എന്നിവയുടെ രൂപത്തിലാണ് ഇവ കാണപ്പെടുന്നത്.
[തിരുത്തുക] സ്പൈവെയറുകള്
ഒരാളുടെ കമ്പ്യൂട്ടറില് നിന്ന് കൊണ്ട് അതിലെ പ്രവര്ത്തന വിവരങ്ങള് മറ്റൊരു സ്ഥലത്തേക്ക് എത്തിച്ചുകൊടുക്കുന്ന ചാര പ്രോഗ്രാമുകളാണ് സ്പൈവെയറുകള്. ബ്രൌസിംഗ് ചരിത്രം, യൂസര് നാമങ്ങള്, പാസ്വേഡുകള്, ഇമെയില്ക്ലയന്റ് സോഫ്റ്റ്വെയറുകളിലെ ഇമെയില് അഡ്രസ്സുകള് എന്നിവയാണ് സ്പൈവെയറുകള് കൈമാറ്റം ചെയ്യുന്ന വിവരങ്ങള്.
[തിരുത്തുക] ഹൈജാക്കറുകള്
ഹോം പേജ്, സെര്ച്ച് പേജ്, സെര്ച്ച് ബാര് തുടങ്ങിയ ബ്രൌസിംഗ് സോഫ്റ്റ്വെയറിന്റെ വിവിധ ഘടകങ്ങളുടെ നിയന്ത്രണം ഏറ്റെടുക്കുന്ന മാല്വെയറുകളാണ് ഹൈജാക്കറുകള്. തെറ്റായ വെബ്സൈറ്റുകളിലേക്കോ സെര്ച്ച് റിസള്ട്ടുകളിലേക്കോ വഴി തിരിച്ചു വിടുകയാണ് ഇത്തരം മാല്വെയറുകള് ചെയ്യുന്നത്.
[തിരുത്തുക] ടൂള്ബാറുകള്
ടൂള്ബാറുകള് ഉപദ്രവകാരികളാണെന്ന് തറപ്പിച്ച് പറയാന് സാധ്യമല്ല. പലപ്പോഴും ഇവ സെര്ച്ചിംഗ് എളുപ്പമാക്കുന്നതിനായി ബ്രൌസറില് കൂട്ടിചേര്ക്കുന്ന പ്രോഗ്രാമുകളാണ്. ഗൂഗിള്, യാഹൂ തുടങ്ങിയ സെര്ച്ച് സൈറ്റുകളുടെ ടൂള്ബാറുകള് ഇതിനുദാഹരണങ്ങളാണ്. എന്നാല് ചിലയിനം ടൂള്ബാറുകള് തീര്ത്തും ശല്യമായി തീരുന്നവയുമുണ്ട്. ഇത്തരം പ്രോഗ്രാമുകള് മിക്കവാറും ഉപയോക്താവ് അറിയാതെയാണ് ഇന്സ്റ്റാള് ചെയ്യപ്പെടുന്നത്.
[തിരുത്തുക] ഡയലര്
നമ്മുടെ കമ്പ്യൂട്ടറിലെ മോഡം/ഫോണ് കണക്ഷന് മറ്റൊരാള്ക്ക് രഹസ്യമായി ഉപയോഗിക്കാന് സഹായിക്കുന്ന മാല്വെയറുകളാണ് ഡയലറുകള്. തന്മൂലം യഥാര്ത്ഥ കണക്ഷനുള്ള വ്യക്തിക്ക് താന് ഉപയോഗിക്കുന്നതിലും കൂടുതലായി ബില്ലടക്കേണ്ടി വരുന്നു.
[തിരുത്തുക] എങ്ങിനെ തടയാം?
സൂക്ഷ്മതയോടെയുള്ള ഇന്റര്നെറ്റ് ഉപയോഗം കൊണ്ട് ഒരു പരിധി വരെ മാല്വെയറുകളെ തടയാം. അനുയോജ്യമായ ഫയര്വാളുകള് ഉപയോഗിക്കുന്നതും ഫലപ്രദമായ മാര്ഗ്ഗങ്ങളിലൊന്നാണ്. ഏതെങ്കിലും ആന്റിവൈറസ് പ്രോഗ്രാം ഉപയൊഗിക്കുന്നതും നല്ലതാണ്.