പ്രേംനസീര്
വിക്കിപീഡിയ, ഒരു സ്വതന്ത്ര വിജ്ഞാനകോശം.
ജനനം: | 1926 ഏപ്രില് 7 തിരുവനന്തപുരം |
---|---|
മരണം: | 1989 ജനുവരി 16 |
തൊഴില്: | സിനിമ നടന് |
കുട്ടികള്: | ഷാനവാസ് |
മലയാള ചലച്ചിത്രരംഗത്തെ നിത്യഹരിത നായകന് എന്നു വിളിക്കപ്പെടുന്ന നടനാണ് പ്രേം നസീര്. ചിറിഞ്ഞിക്കല് അബ്ദുള് ഖാദര് എന്നായിരുന്നു അദ്ദേഹത്തിന്റെ യഥാര്ത്ഥ പേര്.
[തിരുത്തുക] ജീവിതരേഖ
1926 ഡിസംബര് 26-നു കേരളത്തിലെ തിരുവനന്തപുരം ജില്ലയില് ജനിച്ചു. 1989 ജനുവരി 16-നു അദ്ദേഹം അന്തരിച്ചു. ചങ്ങനാശ്ശേരി സെന്റ് ബെര്ച്ച്മാന്സ് കോളെജില് നിന്നും ബിരുദം നേടി.
[തിരുത്തുക] ചലച്ചിത്രരംഗത്ത്
എക്സെല് കമ്പനിക്കുവേണ്ടി ആയിരുന്നു അദ്ദേഹം ചലച്ചിത്രത്തില് അഭിനയിച്ചു തുടങ്ങിയത്. അദ്ദേഹത്തിന്റെ മിക്കവാറും ചിത്രങ്ങളുടെ നിര്മ്മാതാക്കള് ഉദയ, മേരിലാന്ഡ് സ്റ്റുഡിയോകള് ആയിരുന്നു. മലയാളികളുടെ മനസ്സിലെ പുരുഷ സങ്കല്പ്പങ്ങളുടെ സാക്ഷാത്കാരമായിരുന്നു പ്രേം നസീറിന്റെ ചലച്ചിത്ര കഥാപാത്രങ്ങള്.
700-ഓളം ചിത്രങ്ങളില് അഭിനയിച്ച അദ്ദേഹം ഷീലയുമൊത്ത് 130 ചലച്ചിത്രങ്ങളില് പ്രണയ ജോഡികളായി അഭിനയിച്ചു. ഇത് ഒരു സര്വ്വകാല റെക്കോഡാണ്. 1979-ല് മാത്രം അദ്ദേഹത്തിന്റെ 39 ചലച്ചിത്രങ്ങള് പുറത്തിറങ്ങി. 600 ചിത്രങ്ങളില് 85 വിവിധ നായികമാരുമായി അദ്ദേഹം നായകനായി അഭിനയിച്ചു.
1980-കളില് രാഷ്ട്രീയ രംഗത്ത് അദ്ദേഹം പ്രവേശിക്കുവാന് നോക്കിയെങ്കിലും തിരഞ്ഞെടുപ്പില് പരാജയപ്പെട്ടു.
അദ്ദേഹത്തിന്റെ ഓര്മ്മയ്ക്കായി പ്രേം നസീര് പുരസ്കാരം 1992-ല് സ്ഥാപിച്ചു. മലയാള സിനിമയ്ക്കും ഇന്ത്യന് സിനിമയ്ക്കുമുള്ള അദ്ദേഹത്തിന്റെ സംഭാവനകളെ മാനിച്ച് രാഷ്ട്രപതിയുടെ പത്മഭൂഷണ് പുരസ്കാരം അദ്ദേഹത്തിനു നല്കി. സര്വ്വകാല സംഭാവനകളെ മാനിച്ച് കേരള സംസ്ഥാന പ്രത്യേക ജൂറി അവാര്ഡ് അദ്ദേഹത്തിന് 1981-ല് നല്കി.
പ്രേം നസീറും യേശുദാസും ഒരു ഉത്തമ നടന്-ഗായക ജോഡിയായിരുന്നു. ഇവര് ഒരുമിച്ചുള്ള സംഗീതങ്ങള് മലയാള സിനിമാചരിത്രത്തില് അനശ്വരമായി നിലകൊള്ളുന്നു.
അദ്ദേഹത്തിന്റെ മകന് ഷാനവാസും മലയാള സിനിമാ നടനാണ്.