തുളസീദാസ്
വിക്കിപീഡിയ, ഒരു സ്വതന്ത്ര വിജ്ഞാനകോശം.
ഭക്തിപ്രസ്ഥാനത്തിന്റെ ഉപജ്ഞാതാക്കളില് ഒരാളായിരുന്നു ഭക്തകവിയായ തുളസീദാസ്. 1540 ല് ഉത്തര്പ്രദേശിലെ ബാന്ധാ ജില്ലയിലെ രാജാപൂര് ഗ്രാമത്തില് ജനിച്ചതാണെന്ന് കരുതപ്പെടുന്നു. പിതാവിന്റെ പേര് ആത്മാറാം എന്നും മാതാവിന്റെ പേര് ഹല്സി എന്നുമായിരുന്നു. തുളസീദാസിന്റെ ജനനത്തോട് കൂടി മാതാവ് മരിച്ചു. അധികം താമസിയാതെ പിതാവും മരിച്ചു. ഭക്ത നരഹരിദാസിന്റെ ശിക്ഷണത്തില് വിദ്യാഭ്യാസം തുടങ്ങി. യുവാവ് ആയതോട്കൂടി ദീനബന്ധു പാഠക്കിന്റെ പുത്രി രത്നാവലിയെ വിവാഹം കഴിച്ചു. തുളസീദാസ് രത്നാവലിയെ വളരെയധികം സ്നേഹിച്ചിരുന്നു. ഒരിക്കല് രത്നാവലി ഭര്ത്താവിനോട് പറയാതെ പിതാവിന്റെ അടുക്കലേക്ക് തിരിച്ചുപോയി. തുളസീദാസ് അന്നുതന്നെ രാത്രിയില് ഭാര്യയെ കാണാന് ഭാര്യയുടെ വീട്ടില് എത്തി. ഈ കാര്യം രത്നവലിക്ക് ഇഷ്ടമായില്ല. അവര് തുളസീദാസിനെ വളരെയധികം ശകാരിച്ചു. ആതില് മനംനൊന്ത് തുളസീദാസ് അവിടെനിന്നും നാടുവിട്ടു. പലദേശങ്ങള് സഞ്ചരിച്ച് അവസാനം അദ്ദേഹം കാശിയില് എത്തിച്ചേര്ന്നു. കാശിയില് വച്ചാണ് അദ്ദേഹം, ഭാരതത്തിന്റെ പ്രാചീന സംസ്കൃതികളെക്കുറിച്ച് പഠിക്കാന് തുടങ്ങിയത്. അതിനുശേഷം ഭക്തിപ്രസ്ഥാനത്തിലേക്ക് പ്രവേശിക്കുകയും ഭക്തിപ്രസ്ഥാനത്തിന്റെ വളര്ച്ചക്കായ് പ്രവര്ത്തിക്കുകയും ചെയ്തു.
[തിരുത്തുക] പ്രധാന കൃതികള്
- രാമചരിതമാനസം
- വിനയ പത്രിക
- കവിതാവലി
- ഗീതാവലി
- ദോഹാവലി
- കൃഷ്ണഗീതാവലി
ഇതില് രാമചരിതമാനസം അദ്ദേഹത്തിന്റെ ഏറ്റവും ശ്രേഷ്ഠമായ കൃതിയായി കണക്കാക്കപ്പെടുന്നു. ഈ കൃതി അനേകം ഭാഷകളിലേക്ക് വിവര്ത്തനം ചെയ്യപ്പെട്ടിട്ടുണ്ട്.
[തിരുത്തുക] ശൈലികള്
ആദ്ദേഹം ഒന്നിലധികം ഭാഷകള് ഒരു കൃതിയിലേക്കായി ഉപയോഗിച്ചിട്ടുണ്ട്. കൂടുതലായും സംസ്കൃതം ആയിരുന്നു ഇങ്ങനെ ഉപയോഗിച്ചിരുന്നത്. കൂടാതെ അറബിക്, പാര്സി, ഗുജറാത്തി മുതലായ ഭാഷകളിലെ അക്ഷരങ്ങളും അദ്ദേഹം തന്റെ കവിതകളില് ഉപയോഗിച്ചിരുന്നു. ഭാവം, ഭാഷ, കാവ്യഭംഗി എന്നിവ മനോഹരമായി അദ്ദേഹം തന്റെ കവിതകളില് സമന്വയിപ്പിച്ചിരിക്കുന്നത് നമുക്ക് കാണാന് കഴിയും.