Ресен

Од Википедија, слободна енциклопедија

За други значења на поимот, видете Ресен (појаснување).

Типична ресенска улица

Стара полихромирана снимка на сарајот (дворецот) на Нијази-бег во кој денес се наоѓаат Домот на културата „Драги Тозија“ и Ресенската Керамичка Колонија

Ресен е општински центар и мал град со 8848 жители (попис 2002).

Општината Ресен е расположена во југозападниот дел од Република Македонија во Преспанската котлина. Опкружена е со високи планини. Баба од источната страна, Галичица од Запад, Бигла од северната страна.

Локалната власт, деловни и важни институции се ситуирани во Ресен.

Преспанското Езеро, националните паркови Галичица и Пелистер му даваат на регионот посебна убавина.

Преспанското Езеро е второ по големина во Република Македонија. Сместено е на јужната страна од Преспанската котлина помеѓу планините Галичица и Баба 835 m надморска висина.

Културата во Преспа датира уште од Неолитот. Via Ignatia поминува низ котлината за време на Римската Империја.

Постојат голем број на споменици на уметноста во регионот. Најпопуларен е манастирот во Курбиново изграден во 1191 год.

Грнчарството е развиено во Преспа уште во минатото и сеуште е присутно благодарение на Ресенската Kерамичка Колонија.

Ќерамичката Колонија претставува дом за многу светски познати грнчари одсекаде, за време на летниот период, секоја година.

На крај да не се заборави јаболкото, столб на општествениот живот и симбол на општината.

[уреди] Население

Според последниот попис од 2002 година, Ресен брои 8748 жители, од кои:

Македонци 7,011 - 80,14% ^{[се бара извор]}
Албанци 205 - 2,34% ^{[се бара извор]}
Турци 1,119 - 12,79%^{[се бара извор]}
Роми 169 ^{[се бара извор]}
Власи 18^{[се бара извор]}
Срби 58^{[се бара извор]}
останати 178 ^{[се бара извор]}

[уреди] Историја

Во антиката просторот на Преспа бил населен од горно-македонското племе Орести. При Филип II тие се цврсто споени со македонската држава.

За време на Римската империја низ Преспа поминувал познатиот староримски пат „Виа Игнациа“. Покрај него биле изградени повеќе населби и попатни страници. Една од нив била Скиританија, на чие место подоцна израснала словенската населба Ресен.

Во 6 и 7 век во реонот се населува словенското племе Брсјаци.

Прв пат Ресен се спомнува како средновековна населба во една повелба на Душановиот законик од 1337 год, под името Росне.Во еден попис од 16 век населбата е регистрирана како Ресне.За време на владеењето на Стефан Душан (14 век) истотака како населби се спомнуваат и Јанкоец, Љубојно, Наколец, Нивици, и Глобочани и самата област Преспа (рибари од Преспа). Во 18 век со развојот на трговијата и занаетчиството Ресен прераснува во мала градска населба.

За време на фашистичката окупација, Преспа доживува уште едно распарчување. Северниот дел со градот Ресен потпаднал под бугарска окупација,а делот јужно од Ресен под италијанска окупација и приклучен кон т.н. Голема Албанија.

[уреди] Познати личности од Ресен

Андреј Љапчев - бугарски политичар и државник
Кирил Миљовски - македонски револуционер, академик, општественик и прв ректор на Универзитетот во Скопје
Мите Богоевски - македонски национален деец и поет
Нијази-бег
Симеон Радев - бугарски публицист, историограф и дипломат
Стрезо Стрезовски - македонски академик
Христо Татарчев - основоположник и претседател на Македонската револуционерна организација во Солун