Riu Graand
Da Wikipedia.
Cheest artícul al è scrivüü in koiné uçidentala, urtugrafía ünificada. |
El Riu Graand l'è un fjüm də l'Amèrica dəl Noort; l'è lungh 3.034 km e el drena un basin də circa 580.000 km². In Mèssich el sə cjama Rio Bravo u, mej amò, Rio Bravo del Norte.
Al nass in dəl staad american dəl Colorado, in dii muntaagn də San Juan: pö dəspöö al taja in düü tütc el staad dəl New Mexico bagnaand la citaa də Albuquerque. Dəspöö cə el vègn föra dəl New Mexico al bagna El Paso in Texas e Ciudad Juarèz in Mèssich; də chì a la fìn al marca el cunfin in fra i Staad Ünii e el Mèssich. Al sə svöjda in dəl Guulf dəl Mèssich, sempər in sül cunfin Staad Ünii - Messich.
In dəl sò cuurs al spartìss dəspèss düü citaa, vüna americana e l'oltra messicana, cə s'hin desvelupaad vüna in facja a l'oltra (generalmeent chela messicana a dree a chela americana):
- El Paso - Ciudad Juarèz
- Del Rio - Ciudad Acuña
- Laredo - Nuevo Laredo
- Brownsville - Matamoros
Template:Fjüm dəl muund