Mar del Plata (Argentinn-a)

Da Wikipedia

[Modificâ] Dati geògraffici e generâli

Mar del Plata a l'è 'n'importante çittæ-pôrto d'Argentinn-a, capolêugo d'o "partido" de General Pueyrredón, inta costa de l'Oçeano Atlantico, a-o sûd-est d'a Provincia de Buenos Aires. Con 'na popolassiôn de 541.857 abitanti (2001), a s'attrêuva a-o sûd-est d'a çittæ de Buenos Aires.

Fôndä into 1874, a l'è senpre stæta 'n grande çentro de pesca. O sêu porto l'è ûn d'i prinçipâli de l'Argentinn-a, e conta ascì inta sêu popolassiôn con grûppi d'emigræ italiæn.

Ûn d'i sêu personaggi ciû famôzi o l'è o mûsixista de tango Astor Piazzolla, nâto a Mar del Plata into 1921.

[Modificâ] Tûrìximo

A l'è a çittæ tûristega ciû importante d'o Pàize, dispônendo d'a ciû lârga infrastruttûa alberghiëa de l'Argentinn-a.

Collegä con Buenos Aires da l'autostradda nûmmero 2, c'a l'è transcitä ògni estæ da mûggi de tûristi verso a costa, a sêu popolassiôn a vegne tripplicä in quell'ârta stagiôn, quande tra quattro e sei millioîn de tûristi rîvan da tûtto o Pàize, in macchina, aèreo, ferrocarrile e àutobus, pe godî de-e sêu spiâggie, che ghe dan o nomme de "Perla del Atlántico" oppûre "la Feliz" (a çittæ felixe).

Tra i sêu pòsti tûrìstixi, ghe sôn o Casinò, Playa Grande, a lanterna de Punta Mogotes, Cabo Corrientes, Parque Camet, Barrio Los Troncos, Torreón del Monje, e Las Ramblas. Ogni estæ a l'è çentro de diversce presentassioîn tiatrâli, portando a-a çittæ nûmerosi artisti nassionâli. De-e vòtte se dixe che a g'ha çerta scimilitûddine con Biarritz (Fransa).

[Modificâ] Links

• Pàggina ûffiçiâ de Mar del Plata
• Mar del Plata Tourist Guide
• Stöja d'a çittæ de Mar del Plata (spagnòllo)
• Pescare.com.ar - Nôtìssie de l'indûstria peschëa de Mar del Plata
• Scïto d'o Festivâ de Cinema de Mar del Plata
• Immaggini in diretta da Mar del Plata
• Fotografîe de Mar del Plata e periferia
• Dâti d'o pôrto de Mar del Plata
• Côllettivittæ d'emigræ d'o môndo a-a çittæ de Mar del Plata