Astor Piazzolla
Da Wikipedia
Àstor Piazzolla (Mar del Plata (Argentinn-a), 11 mârso 1921, Buenos Aires, 4 lûggio 1992), bandoneonista e composcitô de tango argentin. Segôndo molti specialisti, o l'è stæto o ciû importante mûsixista de tango d'a segônda meitæ do sèccolo XX.
Ciammòu Astor Pantaleón Piazzolla, o l'è stæto nâto da genitôî italiæn, d'a çittæ de Trani, inta regiôn de Pugg-ia, emigræ in Argentinn-a.
O l'ha stûdiòu armonia e mûxica classica e contemporannea co-a direttrice d'ôrchestra françeize Nadia Boulanger, e co-o sêu bandoneon, strûmento tippico d'o tango, o l'ha rinnêuvòu o gennere. O l'è stæta 'na figûa controversa inti confronti d'i argentîn, tanto mûxicalmente comme politticamente.
A sêu mûxica, che lë o deffiniva comme "mûxica contemporannea de Buenos Aires", a l'ha avûo consenso primma in Euròpa e i Stati Ûnïi che into sêu pàize, e a l'ha rappresentòu 'na vëa revôlûssiôn mûxicâle drento a-o tango tradissiônâ.
'Sto "nuevo tango" o l'è diverso a-o gennere origginâ perché o dêuvia dissonanse e âtri elementi innovativi piggiæ da-o jazz, imparæ da Piazzolla quande o viveiva in America. O l'ha ascì intrôdûo into tango nêuvi strûmenti, comme a chitara elettrica, o flòuto, o sassofono, strûmenti elettrònici e a batteria jazz, che no vegnivan ûtilissæ scinn-a quello tempo da-o stile tradissiônâ.
I biògrafi afferman c'o l'agge scritto circa 3.000 pessi, ma o l'ha solo registròu 500. Tra quelli ciû famôsi s'attrêuvan: "Adiós Nonino" (deddiccòu a sêu pôè dòpo a sêu morte), "Fuga y Misterio", "Balada para un loco" (Ballä pe 'n matto), e a êuvietta "María de Buenos Aires".
- [http://www.piazzolla.org/ Scïto ûffiçiâ d'Astor Piazzolla.
