Jorge Amado
Da Wikipedia
Jorge Amado (nâto a Itabuna, Bahia, Brasî o 10 Agosto 1912, morto a Salvador de Bahia o 6 Agosto 2001) o l'è probabilmente o scrittô brasilian ciû popolâre, e quello c'o l'è stæto tradotto a ciû quantitæ de lengue foreste.
A sêu êuvia letteräja a l'è stæta molte vòtte adattä a-o cinema, a-o tiatro e a-a televixôn. I sêu libri son stæti tradûi a 49 lengue e pûbbricæi in 55 naçioîn. Ghe sôn ascì de-e verxioîn in Braille e registrassiôn d'âudio pe òrbi.
A Salvador de Bahia, 'na çittæ tanto identificä con questo scrittô, che l'ha raccontä e descritta con tanto affetto, a l'è stæta inougûrä in 1987 into dïto Largo do Pelourinho a fûndaçiôn Casa de Jorge Amado, c'a prezerva a sêu êuvia pe investigatoî e aggiûta o svilûppo d'attivitæ coltûrâli into stato da Bahia.
Dòpo a sêu morte, e sêu çénnie sôn stæte interræ into giardin da sêu cà o 10 Agosto, giorno do sêu compleanno nûmmero 89.
I sêu tittoli ciû pûbbricæi sôn:
- Dona Flor e seus dois maridos (Dona Flor e i sêu dôî mâii)
- Mar Morto (Mâ môrto)
- Capitães de Areia (Capitæn de sabbia, italiano: Capitani della spiaggia)
- O país do Carnaval (O Pàize do Carlevâ)
- A Descoberta da América pelos Turcos (A scôverta d'America da-i Tûrchi)
- Tieta de Agreste
- Tereza Batista, cansada de guerra (Tereza Batista, stanca de guera)
- Gabriela, cravo e canela (Gabriela, garofano e cannella)
