Willem Fermont
Van Wikipedia
Dit artikel is gesjreve in 't Remunjs. 't Weurt gewaardeerd óm in dit artikel 't Remunjs aan te hauwe of aan te gaeve welk anger dialek gebroek is.
Willem Fermont is 'ne kunssjilder en weitesjapper. Hae waerde in 1947 gebaore in ’t Veldj, achter de breer in Remunj. Neet allein de naam Fermont, auch ’t Veldj haaj ‘ne sjlechte naam. Dao is nog ein film euver gemaak door Joost Seelen (Roermondse Adel, 2003) wo Willem in mitsjpeelde. Ziene vader leerde ‘m houtbewirke toe hae vief jaor waor. Doe hae 18 waor, ging hae sjtudere in Utrech. Willem ging veur de kos nao Hamburg en wirkte in de sjtaolindustrie. Later waerde hae leraar aardrijkskunde in Hilversum. Aan de Universiteit van Utrech kreeg hae daonao ein baantje es wetensjapper in de geologie en promoveerde tenslotte in de paleontologie. In 1982 kwaom hae truuk nao Limburg veur ongerzeuk nao steinkaole en sjoolde hae om nao de kaolepetrografie en wärde van micropaleontoloog koolpetrograaf. Maar d’r zolle nooit meer kaole oet de Limburgse ungergrondj komme en ’t ongerzeuk stjopde vanzelf. En zo waerde hae aolie- en gaasspecialist. Toen het Geologisch Bureau oet Herle mos vertrekke wiegerde Willem om mit te gaon nao Utrech. Hae kreeg in 1999 ei baan es hoofdconservator bie het Rieksmuseum veur Volkekunde in Leiden. En det hat er toet eindj 2004 gedaon. Intusse – 1994 - waor hae mit sjildere begos en kreeg zien ierste teikenlèsse van Jan van de Hijden (Herle), Jan Heinens (Mestreech) en Annemiek Jongen oet Landgraaf. Maar sjnel begos hae veur zichzelf en ging ruumtelik wirke. Noe kombineert hae allerlei technieke en wirkt veul in sjtaol en keramiek, naeve sjildere, want det is hae altied blieve doon. Verder knutselt hae allerlei projekte in elkaar.
Willem reis veul. Hae is euver de hele waereld gewaes en löp same mit zien vrouw Josje al jaore lange aafstenj. Van Nuth nao Italië, van de Sjechische grens nao Frankriek, dwars door de Alpe.
Inhawd |
[bewirk] Willems kiek op de waereld
Willem haet zien laeve lang gewirk in bane wo tied ein belangrieke rol sjpeelde. In de evolutietheorie, de geologie en in het museum veur Volkekunde. En noe gluift hae neemeer det tied besjeit, maar det 't 'n verzinsel van 't bewustzeen is. 't Moment van vandaag is altied in bewaeging, meint hae. Daorom spjeelt bewaeging, 't bewustzeen, de herses die ederein mitkrieg ein belangrieke rol in zien kunstwirke. Willem haet 't 5-dimensional Art Research Centre opgerich. Omdat tied volgens häöm neet besjteit zeen mienstens vief dimensies nodig om de zaak 'n bietje in elkaar te passe. Maar mesjien ouch waal zes of zeve. Same mit Paulien Dieteren haet hae ouch de Sjtichting de Weeffout opgerich. Dao-i wirke allerlei kunstenaars same om euver de grens van hun eige waereldje haer te kieke. Zo maakde ze een totaal muziektheater - de Hesperiden - veur 't Wereld Muziek Concours in Kirchraoj, en de neoklassieker van de antiheld Heraclash veur Cultura Nova in Herle. En in Brunssum hubbe ze Diabolo opgeveurd bie de Promesse. Diabolo geit euver het ontsjtoan van het bewuszeen, en de ongergang van het bewuszeen.
[bewirk] Opleidinge
- 1999 Portretsjildere, Annemiek Jongen, Landgraaf
- 1998-1999 Portret- en landsjapsjildere, Jan Heijnen, Kumulus
- 1994-1999 Sjildersjool Jan van der Hijden, Herle
- 1982 Proofsjrif: "Dis¬cocy¬cli¬nidae from Ein Avedat" (Isra¬ël), Universiteit Utrecht
- 1977 Doctoraal geologie (stratigrafie/paleontologie) Rijksuniversiteit Utrecht
- 1965-1968 Biochemie, Rijksuniversiteit Utrecht (ged.)
[bewirk] Tentoonsjtèllinge en projekte
- 1998 Wageningen, Veurmalig Hotel de Wereld, 4- en 5- dimensionaal objecte
- 1998 Remunj, De Tramhalte/ Stationsplein, Demonstratie multi-dimensionaal objecte
- 2000 Nuth, 5-dimensional Art Research Centre, Onderzeuk virtueel en materieel dimensies
- 2000 Remunj, Project Roermond 2000,Chaotisch Carillon, Marktplein/Museum
- 2001 Kirchraoj, Project de Notenboom,Objecten rond muziek, kuns, natuur
- 2002/4 Leiden/Europese Unie,ECHO, European Cultural Heritage online
- 2001/4 Leiden/Asia Europe Foundation,Asia/Europe pilot project: a virtual collection 5000 European and Asian masterpieces
- 2002/4 Leiden/Jakarta, Min. BuZa / RMV, Mede-initiator project Sharing cultural heritage tgv de 60-jaorige onafhankelikheid van Indonesië
- 2003 Tilburg, Zuidenwind Filmproducties, Roermondse Adel premiere IDFA, Amsterdam, VARA, L1
- 2004 Hoensbroek Auditorium Muziekschool, Tiedelike opsjtelling muzieksculpture
- 2004/7 Kirchraoj, Botanische tuin, Expositie diverse sjtaole sculpture
- 2004 Nuth / Brunssum / De Weeffout, Oprichting Sjtichting de Weeffout
- 2005 Kirchraoj WMC/ Botanische Tuin, Oetveuring de Hesperiden (Weeffout)
- 2005 Herle, Cultura Nova, Oetveuring Heraclash (Weeffout)
- 2005/6 Bingelrade,Beeldetuin Oyen Ancion, Sjtale sculpture (expo)
- 2006 Barcelona (S) Sala Barna, Birth of Consciuosness (Sjilderieje)
- 2006/7 Nuth, Grijzegrubben, Renovatie Atelier
- 2007 Bingelrade, Beeldetuin Oyen Ancion, De Bard/ De Genderkliniek
- 2007 Brunssum, veurmalig Pomphoes/filtersjtasion Stoatsmien Hendrik, Promesse dún Voyage, oetveuring Diabolo mit sjtichting de Weeffout
- 2007 Hasselt, Belgie, Exositie in Tuin veur Natuur en Cultuur (sjtoale en keramiesje sculpturen)
- 2007 Kirchroaj, Botanische Tuin. Expositie de Schermbloem (sculpture)
- 2007 Oprichting sjtichting de Sokkel
