Wallonië
Van Wikipedia
Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.
Wallonië of 't Waals Gewes (Frans: Wallonie, Waals: Walonreye) ies ein van de drie geweste van Belsj. 't Gewes besjleit miè es de hèlf van 't Belsj gróndgebeed en umvat 't zuje van 't land. 't Aantal inweunersj van Wallonië ies 3.380.498 (2004). De hoofsjtad van 't gewes ies Name (Namur). Ander groate sjtae zint Luuk, Berge, Doornik, Charleroi en Verviers. Wallonië ies in vief provincies verdeild: Henegouwe, Name, Waals-Brabant, Luuk en Luxemburg.
[bewirk] Wallonië is neet taalhomogeen
Wallonië is neet taalhomogeen en besjowd zichèèges ooch neet es zoedanig. De officieel tale van Wallonië zint Frans (253 gemeintes) en Duutsj (9 gemeintes). De Waalse gewesregering haet in 1990 't Waals, 't Picardisch, 't Champenois, 't Gaumais (Lorrain), 't Luxemburgs en 't Platduutsj es binnelandse regionale tale erkènd. Wallonië ratificeerde 't dör Belsj in 2002 getekende Kaderverdrag inzake de bescherming van nationale minderheden. De Vlamsje minderhède in de Welzje facilitètegemèngdes haant zich inmiddels groeëtendeels verfraanst en haant noeëts öm 'n oetbreiding van de facilitète vör Nederlandstalige gevraogd. In de gemèngde Plombières väörziet de Grondwet dat bewoners facilitète kènne aa-vraoge väör 't Duutsj en/of 't Nederlands. Saer ènnige jaore is in die gemèngde 'n begin gemaakt mèt twieëtalèg Duutsj/Fraans oonderwies, bies op 't niveau van de Middelbaar Sjoeël.
't Volksleed ies Le chant des Wallons.
[bewirk] Vlagge vör behaod va Belsj
In Wallonië waoërte tiedens de federaal coaltiebesjpraeëkinge va 2007 mondelaank an priveeweuninge, bies op de klèngste gehuchte, zoonder oproop, sjpontaan de Belzje vlag boete gehange. Daomèt wol me te kènne gaeve dat me von dat Belsj behaowe moes blieve.
