Stroes
Van Wikipedia
Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.
De Stroes of Stroesvogel (Struthio camelus) is 'ne groete loupvogel oet de orde Struusechtege (Struthioniformes), en d'n einege levende vertegewäördeger vaan de familie Struthionidae en 't geslach Struthio. 't Is 'ne groete, lómpe vogel mèt lange nek en lang pu, die allebei kaal zien, en de vleugele zien geminimaliseerd, allewel nog dudelek ziechbaar. 't Oonvermoge tot vlege compenseert heer doortot heer hel kin loupe, tot 65 kilometer per oor. Stroeze zien gemeinlik roond de 2 meter (mennekes) of 1 meter tacheteg (vruiwkes) laank, en zien daomèt vaan kop tot veuj gemete de langste veugel.
De stroes kint veer oondersoorte (zuug ouch 't keertsje): De S.c. australis (zuiderstruus) in en um de Kalahari, de S.c. camelus (roednekstruus) zjus ten zuie vaan de Sahara, de S.c. masaicus (Masaïstruus) veural in Kenia en de S.c. molybdophanes, veural in Somalië. 'n Viefde soort, de S.c. syriacus, in 't Kortbij Ooste, is um 1940 oetgestorve. De op Madagaskar levende, sins 500 jaor oetgestorve olifantsveugel waore sterk mèt de stroes verwant.
