Indium
Van Wikipedia
Dit artikel is gesjreve in 't Mofers. 't Weurt gewaardeerd óm in dit artikel 't Mofers aan te hauwe of aan te gaeve welk anger dialek gebroek is.
Indium is 'n sjeikundig element mit symbool In en atoomnómmer 49. 't is 'n zilvergries hoofgroepmetaal.
[bewirk] Ontdekking
Indium is in 1863 ontdek door Ferdinand Reich en Theodore Richter terwiel zie mit 'n spectrograaf in zinkertse op zeuk wore nao thallium. 4 jaor later waas Richter in staat óm 't metaal te isolere.
De naam Indium is aafkomstig van de indigolien in 't atoomspectrum van indium.
[bewirk] Toepassinge
De ieëste groeatsjaolige toepassing van indium waas es deklaag veur lagers in zwaore vleegtuugmotore tiedes de Twieëde Waereldoorlog. Daonao steeg de productie gestaag ómdet 't in smeltbare legeringe, soldeertin en de elektronica good toepasbaar waas. Vanaaf de jaore '80 waerde indium 'n belangriek materiaal bie de productie van LCD-sjerme. Anger toepassinge zeen:
- Legeringe mit 'n leeg smeltpuntj. Legeringe van 24% indium en 76% gallium zeen vloeibaar bie kamertemperatuur.
- Gróndjstof veur fotogeleiders, transistore, geliekrichters en temperatuursaafhankelikke weerstenj.
- Kwalitatief hoeëgwaardige spegele die teves corrosiebestendig zeen
Es indiumoxide wuuertj indium gebroek veur elektroluminescente panele.
Teves wuuertj 't radioactieve isotoop 111In binne de nucleaire geneeskunde toegepas es label veur scintigrafisch óngerzeuk nao 't functionere van diverse organe.
