Grevors

Van Wikipedia

Dit artikel is gesjreve in 't Grevorsters. 't Weurt gewaardeerd óm in dit artikel 't Grevorsters aan te hauwe of aan te gaeve welk anger dialek gebroek is.

Ruwiéne vân 't Gebraoke Slôt

Kerk

Grevors (Nederlands Grubbevors) is en dörp in de Nederlands-Limburgse gemeinte Haors aan de Maas. 't Leet aan de weskant vân de Maas, taegeneuver Velde. Op 1 jannewarie 2006 hâj 't 4770 inwoëners; en daormeij is 't de twiënao groëtste kern vân Hors aan de Maas.

't Dörp hoot oorspronkelik allein Vors(t); Grubbe waas de naam vân 't beejliggende kastiél. Nôw is dit de rewiéne 't Gebroake Slôt. De oorsprong vân heerlikheid en dörp gaon truuk tot de vroege Middeliéwe en geschreve brônne euver de oorsprong ontbraeke. Me is dân ok op argiéjologisch werk aangeweeze, wât beejveurbiëld haet aangetoënd dât vuer de parochiekerk oét 1415 in Grubbevors al zeker zes andere kèrke hebbe gestaon.

De heerlikheid Grubbe woort in 1311 door Reinoud vân Gelder gekoch. In iërste instansie reikde ze vân Arce tot en met Venlo (toen nog en dörp). Grubbevors waar veur de helft in de hand vân de hiére vân Grubbe; dit deurde tot in 1755 de markies vân Gebrook ok de res vân 'dörp opkoch.

Nao 1815 woort Grubbevors en gemeinte, waor ok 't dörp Lottum beej huurde. In 1944 woort beej gevechte de kerk vân 't dörp verwoest, die de reste vân zes andere kerke (zeen baove) bloëtgelag. De huidige, achste, kerk stamt oët 1952 en woort ôntworpe door Alphons Boosten. In 2001 woort de gemeinte Grubbevors opgeheeve en beej Hors aan de Maas ingedeild.

Gemeinte Haors aan de Maas
Dörper, gehuchte en buurtsjappe: Amerika \| Brokeze \| Grevors \| Griendsveen \| Haegelsem \| Haors \| Lottem \| De Melderse \| De Mieëterik \| Vaors