Camille Oostwegel
Van Wikipedia
Dit artikel is gesjreve in 't Houtems. 't Weurt gewaardeerd óm in dit artikel 't Houtems aan te hauwe of aan te gaeve welk anger dialek gebroek is.
Camille Oostwegel is 'ne bekènde óndernummer in de horecabranche en besjermer van cultureel erfgood in Zuud Limburg. Hae is veural bekènd es stimulator, boewer en exploitant van Chateau-hotels. Door aan kesjtièl, hièrehaof en kloaster 'n nuuj (horeca) besjtumming te geve, woorte dees al dèks jaore laegsjtaonde monumentaal geboewe gered van d'n óndergank.
[bewirk] Projekte
Zien ièrsjte projek waor Kesjtièl Erenstein bie Kèrkrao. Dao-op volgde de Winselerhof in Kèrkrao, Chateau Neercanne bie Mestreech, Chateau Sint-Gerlach (1997) in Houtem, 't Kruushierehotel ('n veurmalig kloaster) (2006) in Mestreech en in 2007 de restauratie van zien geboortehoes Casa Blanca in Houtem, dat in 1929 in opdrach van ziene vader geboewd waor door arsjitek Frits Peutz oet Heerle. Aan bekans alle hotels is 'n toprestaurant verbónge.
[bewirk] Biografie
Camille Oostwegel woort gebaore in Sint Gerlach, Houtem in 1950. Nao 't volge van de Hoager Hotelsjoal in Mestreech woort hae op 24-jaorige laeftied manager van 'n hotel. In 2007 versjient zien biografie Alles moet bevochten worden, gesjreve door Rosalie Sprooten en John Hoenen.
[bewirk] Óndersjeiinge
- Honorair consul van Frankriek
- 2005 Victor de Steurs Monumentepries Mestreech
- 2006 Hubert Goltziuspenning in Venlo
- 2007 Trophée des Renommées d' Or du Tourisme International in Paries