Quod erat demonstrandum
Vu Wikipedia, der fräier Enzyklopedie.
Quod erat demonstrandum, ofgekierzt q.e.d., ass eng laténgesch Expressioun déi een dacks um Enn vu mathematesche Beweiser fënnt, als visuelle Repère vum Ufank vum Text no der Beweisféirung.
Op Lëtzebuergesch iwwersat heescht déi Floskel näicht anescht wéi wat ze beweise war. Am Frankräich gebraucht een dofir d'Locutioun ce qu'il fallait démontrer, ofgekierzt CQFD, an an Däitschland was zu beweisen war, ofgekierzt w.z.b.w.
D'Expressioun geet op dat griichescht oper edei deixai zeréck, wat vu ville griichesche Mathematiker vun der éischter Stonn, wéi z.B. dem Euklid oder dem Archimedes, gebraucht gouf.
Hautesdaags gi Beweiser och dacks duercht d'vollt Quadrat ■, d'oppent Quadrat □ oder den Dièse # ofgeschloss, déi am engleschsproochege Raum üblech sinn an op de Paul Halmos zeréckginn.
