Neimillen

Vu Wikipedia, der fräier Enzyklopedie.

Neimillen ass en Numm vu Millen deen en zu Lëtzebuerg heiansdo erëmfënnt.

Meeschtens kënnt den Numm dohir, well op der Plaz wou d'Mille steet eng méi al Millen dernieft stoung, an se de Numm krut fir se vun deeër eelerer ze ënnerscheeden.

Dacks ass och déi al Millen ewechgerappt ginn an déi nei op der selwechter Plaz opgeriicht ginn a si huet den Numm einfach kritt, well se méi nei war, ouni datt huet sollen en Ënnerscheed gemaach ginn tëschtent zwou Plazen.

Da gëtt et nach Neimillen déi den Numm duerch de Besëtzer kruten, deen Neu oder Ney geheescht huet an op lëtzebuergesch einfach "Neimillen" oder "Neis Mille" genannt goufen.

Op de Landkaarten ass op de sproochlechen Ënnerscheed net ëmmer opgepasst ginn, sou datt bal iwwerall Neimillen oder Neumühle erëmzefannen ass.

[Änneren] Neimillen déi et als Uertschaft zu Lëtzebuerg gëtt

• Neimillen zu Iechternach
• Neimillen zu Iermsdref
• Neimillen zu Jonglënster
• Neimillen zu Käerch
• Neimillen zu Miedernach
• Neimillen zu Péiteng
• Neimillen zu Bilschdref
• Neimillen zu Sandweiler
• Neimillen zu Schëffleng
• Neimillen zu Wëntger