Kauzekapp
Vu Wikipedia, der fräier Enzyklopedie.
 |
Dësen Artikel ass eréischt just eng Skizz. Wann der méi iwwer dëst Thema wësst, sidd der häerzlech invitéiert aus dëse puer Sätz e richtegen Artikel ze schreiwen. Wann dir Hëllef braucht beim Schreiwen, da luusst bis an d'FAQ eran. |
E Kauzekapp ass d'Larv vun engem Lurch (Amphibie), wéi Fräschen, Mouken, Salamanderen a Molchen.
De Numm Kauzekapp ass ofgeleet vum Kierperbau vun de Larve vun de Fräschlurchen, déi en décke Kapp hunn (dohir hiren Numm), keng Patten, mee dofir e laange Schwanz fir ze schwammen.
Um Enn vum Larvestadium metamorphoséiert de Kauzekapp sech zum fäerdege Lurch: déi viischt an hënnescht Been entwéckele sech, de Schwanz an och d'Kime ginn zréckgebilt, während gläichzäiteg d'Longe sech ausbilden.
[Änneren] Terminologie
Dat däitscht Wuert Kaulquappe applizéiert sech nëmmen op d'Larve vun de Fräschlurchen (Fräschen, Mouken, asw), déi en décke Kapp hunn an ouni Patten aus dem Ee kommen.
Dat franséischt Wuert têtard bezeechent d'Larve vun allen Amphibien, also och déi vun de Schwanzlurchen (Salamanderen, Molchen), déi e laange schlanke Kierper hunn, a mat Patten aus dem Ee kommen.
