Kannerrechtskonventioun
Vu Wikipedia, der fräier Enzyklopedie.
D' Kannerrechtskonventioun gouf 1989 vun der UNO formuléiert an ass d'Fortsetzung an d'Weiderféirung vun der Genfer Erklärung iwwer d'Kannerrechter vun 1924 an der Erklärung vun der UNO-Generalversammlung vun 1959 iwwer d'Rechter vum Kand.
An enger éischter Phase gëtt e Kand als eng Persoun vu manner wéi 18 Joer definéiert an et gëtt generell festgehalen, datt kee Kand dierf diskriminéiert ginn wéinst Hautfaarf, Relioun an anere Mierkmoler. Et gëtt och gesot, datt all Kand e Recht op fräi Meenungsäusserung huet. D'Kanner hunn ausserdeem e Recht drop, mat hirer Famill zesummenzeliewen (wat relevant ass, wann et ëm Flüchtlingen an hir Openthaltsrechter geet), e Recht op Bildung an e Recht op medizinesch Versuergung. Et gëtt dann och nach Stellung geholl zu Problemer vum Kannerhandel, Kannermëssbrauch a Kanneraarbecht.
Zënter 1989 ass dës Konventioun, déi aus 54 Artikelen besteet, weltwäit dat am meeschte ratifizéierte Menscherechtsinstrument ginn. Ausser den USA a Somalia hunn all Länner dëst Dokument iwwer d'Rechter vum Kand ënnerschriwwen.
Zu Lëtzebuerg gouf 2002 den Ombuds Comité fir d'Rechter vurn Kand an d'Liewe geruff, fir d'Rechter vun der Kannerrechtsconventioun méi bekannt ze maachen.
