Holding
Vu Wikipedia, der fräier Enzyklopedie.
Eng Holding ass eng Gesellschaft, déi Partizipatiounen an anere Gesellschaften geeréiert. Am Laf vun der Zäit ass d'Aufgabengebidd vun den Holdingen méi grouss ginn. Et ginn haut verschidde Kategorien vun Holdingen, wéi:
- Kontrollholdingen, déi der Kontroll vun den Gesellschaften vun engem internationalen Grupp dëngen,
- Holdingen, déi Investmentfongen géréieren,
- Finanzéierungsholdingen, déi eng zentral Finanzéierung vun den Entreprisen vu multinationale Gesellschaften sëcherstellen,
- Assurancenholdingen, Captive n, déi zentral Versëcherungsaufgaben a multinationalen Gesellschaften iwwerholl hunn.
Zu Lëtzebuerg gouf 1929 eng Holdingsgesetzgebung a Kraft gesat. Si gouf spéider verbessert, fir de Realitéiten vun der wirtschaftspolitescher Ëntwëcklung op der Finanzplaz Rechnung ze droen, an d'Schafe vun dëse verschiddene Kategorien vun Holdingen ze erméiglechen.
Wéi d'Zuel vun den Duebelbesteierungsofkommen mat Lëtzebuerg am Laf vun der Zäit senkrecht geklomm ass, an well d'Holdinggesellschaften nom Régime vun 1929 vum Benefice vun dësen internationalen Conventiounen ausgeschloss sinn, ass spéider e steierlechen Ënnerschied tëschent den Holdingen nom Regime 1929 an den Sociétés de participation financières (SOPARFI), déi ënnert den Droit commun falen, gemeeet ginn.
[Änneren] Literatur
- B. Delvaux, E. Reiffers :Les sociétés holding au Grand-Duché de Luxembourg – Etude pratique de la loi du 31 juillet 1929, Imprimerie Victor Buck, 5e édition, Luxembourg,1969
- COURET A. MARTIN D.:Les Sociétés Holdings, QUE SAIS-JE 1997 ,PUF
- Banque Internationale à Luxembourg: Les sociétés holding au Grand-Duché de Luxembourg, Luxembourg, 1987
