Investmentfongen
Vu Wikipedia, der fräier Enzyklopedie.
 |
Dësen Economiesartikel ass eréischt just eng Skizz. Wann der méi iwwer dëst Thema wësst, sidd der häerzlech invitéiert aus dëse puer Sätz e richtegen Artikel ze schreiwen. Wann dir Hëllef braucht beim Schreiwen, da luusst bis an d'FAQ eran. |
De Sammelnumm fir Investmentfongen ass haut: Organismes de placement collectif: (OPC). Si ëmfaassen:
- déi oppe Fonge mat engem variable Portefeuille (SICAV) an
- déi zoue Fongen a Form vun Investmentgesellschaften (SICAF).
Oppe Fongen stellen eng Form vu Copropriétéit duer a ginn duerch eng sougenannt Managementgesellschaft geréiert, déi Wertpapeieren fir den eigentleche Fong keeft oder verkeeft, opgrond vun der Zuel vun Zertifikaten, déi am Ëmlaf sinn. D'Investmentfongen sëcheren eng besser Risikoverdeelung bei Placementer. Si si meeschtens spezialiséiert op Placementer an eenzelne Länner oder eenzel Branchen. En Ënnerscheed gëtt gemaach tëschent Aktiefongen an Obligatiounsfongen. Ët bestinn och Daachfongen, déi nëmmen Zertifikaten, oder Aktien vun anere Fongen an hirem Portefeuille hunn.
Verschidde Finanzplazen, wéi Lëtzebuerg si spezaliséiert an der Domiciliatioun a Gestioun vun Investmentfongen.
