Guy Rewenig
Vu Wikipedia, der fräier Enzyklopedie.
De Guy Rewenig, gebuer den 31. August 1947 zu Lëtzebuerg, war bis 1984 Schoulmeeschter an ass zënterhier fräie Schrëftsteller. 2005 krut en de Batty-Weber-Präis fir säi Gesamtwierk.
Inhaltsverzeechnis |
[Änneren] Säi Liewen
De Guy Rewenig ass an der Stad, zu Gaasperech an zu Zéisseng, opgewuess, an huet am Kolléisch d'Première gemaach. Hien huet zu Walfer fir Schoulmeeschter geléiert an huet dëse Beruff fir d'éischt zu Beetebuerg, dono, vun 1971 un, zu Esch-Uelzecht gemaach. 1984 ass en op Nouspelt geplënnert, wou en zënterhier als fräie Schrëftsteller lieft.
1974 war hien e Grënnungsmember vun der ASTI. 2000 huet en zesumme mam Roger Manderscheid de Verlag ultimomondo gegrënnt.
[Änneren] Säi Wierk
Vun 1963 un huet de Guy Rewenig éischt Filmkritiken am Luxemburger Wort publizéiert. 1970 ass säin éischt Theaterstéck Interview, erauskomm, am selweschte Joer e Band mat Erzielungen, Als der Feigenbaum verdorrte. Zënter 1973 schreift hien och Kannerliteratur; säi Buch Muschkilusch, dat 1980 erauskoum, ass 8 Mol nei opgeluecht ginn.
1984 huet de Rewenig säin éischte Roman op Lëtzebuergesch, Hannert dem Atlantik, publizéiert. Hie schreift bis haut op Däitsch, Lëtzebuergesch a Franséisch. Hien huet als fräie Mataarbechter Artikelen an Zeitungen an Zäitschrëften verëffentlecht, ë. a. am Tageblatt, Lëtzebuerger Land, Alternativ, Perspektiv, Gréngespoun a Forum. Dacks waren dat zäitkritisch, satiresch Texter, an deenen de Rewenig sozial a politesch Mëssstänn thematisiéiert huet an d'Liewen an d'Mentalitéiten zu Lëtzebuerg kommentéiert huet.
[Änneren] Romaner
- Hannert dem Atlantik, 1985, Editions Phi
- Gemëschte Chouer, 1987, Editions Phi
- Mass mat dräi Hären, 1989, Editions Phi
- Grouss Kalvakad, 1991, Editions Phi
- Vakanz am Pazifik, 1998, Editions Phi
- Frëndlech Banditten, 2001, Editions Phi
- Zikatriss, 2001, Editions Phi
- Lackéiert Elefanten, 2001, Editions ultimomondo
[Änneren] Gedichter
- Kampfmaschine, 1973, Eegeverlag
[Änneren] pockolibri
- Solange die Fabrikschlote rauchen, wird gefeuert. Frühe Texte, pockolibri 1, édition pockolibri, 2005, ISBN 978-2-919933-41-9
- Cross Country. Eine Heimatkunde, pockolibri 2, édition pockolibri, 2006, ISBN 2-9599720-0-3
- Le chef d'orchestre à la baguette de bambou. Une lettre, pockolibri 3, éditions ultimomondo, 2007, ISBN 978-2-919933-40-2
- Cross Country. Eine Heimatkunde, pockolibri 4, éditions ultimomondo, 2008, ISBN 978-2-919933-41-9
- Milde Memoiren (mat Zeechnungen vum Roger Manderscheid), éditions ultimomondo, 2008, ISBN 978-2-919933-42-6
[Änneren] Cabaret
- Honn déi bäisse billen net, 1981, Escher Theater
- Schwaarz Lëschten, 1981, Escher Heft, edition kontext
[Änneren] Theaterstécker déi gespillt goufen
- Interview, Stadtheater Lëtzebuerg, Regie: Tun Deutsch
[Änneren] Theaterstécker déi net gespillt goufen
- Staatsbürgerschlachtfest, 1972
[Änneren] Theater fir Kanner
[Änneren] Texter fir Kanner
- Muschkilusch
[Änneren] Gielercher (Auswiel)
- De Guy Rewenig krut den 1. Präis am Concours Littéraire National 2007 fir säin Le chef d’orchestre à la baguette de bambou.
