Atert (Baach)

Vu Wikipedia, der fräier Enzyklopedie.

Atert
Statut	{{{14}}}
Längt	38 km
Héicht vun der Quell	406 m
Duerchschnëttsdebit	m³/s
Fläch vum Baseng	298,9 km²
Leeft duerch	Belsch Lëtzebuerg
Mündung	Uelzecht
Breet vun der Mündung	n/a
Floss - Hydrologie

D'Atert (fr.: Attert) ass en Niewefloss vun der Uelzecht.

Si entspréngt am Kielbësch, südlech vu Nobressart, Gehaanselchert op Lëtzebuergesch, an der Belsch.

Tëschent der Uertschaft Atert an Nidderkolpech leeft s'iwwer d'belsch-lëtzebuergesch Grenz. Ee Véierel vun hirem Baseng läit an der Belsch, dräi Véierel zu Lëtzebuerg.

D'Atert fléisst laanscht d'Uertschafte Nidderkolpech, Ell, Réiden, Räichel, Iewerleng, Useldeng, Béiwen un der Atert a Biissen, ir se zu Kolmer-Bierg an d'Uelzecht leeft.

1998 hunn 23 Gemengen an Associatiounen am Atert-Baseng den Atert-Kontrakt (ergänzt 2001 duerch eng Charta) ënnerschriwwen. Dës gesäit eng nohalteg Notzung vum Floss a sengem Baseng vir, an huet deem virgegraff, wat an der europäescher Waasser-Caderdirective vun 2000 virgesinn ass, nämlech eng Gestioun vun de Gewässer op Grondlag vun hirem Baseng, an net vun territoriale Grenzen.

[Änneren] Nieweflëss vun der Atert

[Änneren] An der Belsch

Lenks: eng Baach déi vum Stengtgesfeld kënnt Ruisseau de Nobressart Luchterterbaach Schläimbaach Dreibaach mat: Foulterflass mat: Lëichwis Ruisseau de Post Ruisseau de Schockville Noutemerbaach

Riets: Bayermillebaach mat: Ruisseau de Thiaumont Metzeterbaach Peiternellsflass

[Änneren] Zu Lëtzebuerg

Lénks: Koulbich Fräsbech eng Baach déi vun Osper kënnt Roudbaach Schammicht eng Baach aus der Roubrichtsgriecht bei Useldeng Griselgrond Viichtbaach Deiwelsbaach eng Baach aus der Maschteschheck bei Biissen Buussbaach Schwaarzbaach

Riets: eng Baach déi aus der Grendelerheck kënnt Pall mat: Näerdenerbaach Schweebech mat: Haasselbaach Uurbaach Wollefsbaach Aeschbech mat: Kandelbaach Tonnbaach eng Baach déi vum Brongeshaff kënnt

[Änneren] Literatur zum Thema

• Mirjam Oesch (Text) a Guy Hoffmann (Fotoen): Das Tal der Attert - Portrait einer grenzüberschreitenden Region, an den Éditions Guy Binsfeld, September 2007, et gëtt och eng franséisch Editioun vum Buch. 160 Säiten, 200 Fotoen.
• Nehrenhausen, Jeannot: 'Un der Atert, no beim Waasser...' Redingens heimliche Lokalhymne, In: Luxemburger Marienkalender. - Jg. 121(2002), p. 126-136, ill.

[Änneren] Linken

[Änneren] Kuckt och

• Kropemann
• Parc Naturel de la Vallée de l'Attert
• Lëscht vun de lëtzebuergesche Waasserleef

[Änneren] Um Spaweck

• Iwwert den Atert-Kontrakt um Site vum Öko-Fonds
• Aquafil