Agora

Vu Wikipedia, der fräier Enzyklopedie.

Dësen Artikel beschäftegt sech mat der Agora als Plaz am ale Griicheland. Fir aner Bedeitungen, kuckt w.e.g. Agora (Homonymie).

D'Agora zu Tyros am heitege Libanon, Ausgruewunge vun Al Mina.

Am antike Griicheland war d'Agora (αγορά) d'Versammlungsplaz vum Maart vun der Polis. D'Händler a Verkeefer op der Agora goufe Kapeloi genannt. D'Agora war en essentiellen Deel am Konzept vun der Polis, an den Aristoteles ass esouguer esou wäit gaangen, datt hien d'Barbaren onziviliséiert genannt huet, well si keng Agora haten.

D'Agora vun Athen war awer net nëmmen eng Maartplaz, mee och de Sëtz vun den demokrateschen Institutiounen. Hei stoungen de Bouleuterion, wou d'Boulè, de Rot vun de 500, hir Gesetzer virbereed huet, déi vun der Versammlung gestëmmt goufen. An der Tholos hunn een Zéngtel vun de Bouleuten Dag an Nuet eng Permanence gehat, bis si vu 50 aneren ersat goufen. Op der athenescher Agora war och d'Heliaia, d'Volleksgeriicht, ze fannen.

Méi doriwwer am Artikel Agora (Athen)an den Artikelen [[{{{2}}}]] an [[{{{3}}}]]an den Artikelen [[{{{4}}}]], [[{{{5}}}]] an [[{{{6}}}]]an den Artikelen [[{{{7}}}]], [[{{{8}}}]], [[{{{9}}}]] an [[{{{10}}}]].

D'Agora war den Zentrum vum soziale Liewen. Hei ass ee spazéiert an huet ënner Frënn philosophéiert, virun allem am Schiet vun der Stoa Poikilè.

Am Réimesche Räich war de Forum romanum d'Géigestéck vun der griichescher Agora.

[Änneren] Literatur zum Thema

Homer A. Thompson an R. E. Wycherley, The Agora of Athens, American school of classical studies at Athens, Princeton.
Roland Martin, Recherches sur l'agora grecque : études d'histoire et d'architecture urbaines, E. de Boccard, Paräis, 1951.