Novum Comum
E Vicipaedia
| Insigne | |
|---|---|
 |
|
| Nomen Latinum: | Novum Comum |
| Nomen locale: | Comm |
| Nomen Italicum: | Como |
| Novi Comi Templum Maximum | |
 |
|
| Indicia fundamentalia | |
| Terra: |  Italia |
| Provincia: | Novum Comum |
| Regio: | Langobardia |
| Coordinata geographica: | 45° 49′ 0″Sept., 9° 5′ 0″ Ort. |
| Altitudo: | 201 supra mare |
| Area: | 37 km² |
| Numerus incolarum: | 83.265 (anno 31.01.2007) |
| Spissitudo incolarum: | 2117 per km² |
| Numerus cursualis: | 22100 |
| Praefixum telephonicum: | 031 |
| Numerus tributarius: | C933 |
| ISTAT-Regio: | 013075 |
| Pagina interretialis: | http://www.comune.como.it/ pagina officialis] |
| Res aliae | |
| Patronus: | Abundius episcopus |
| Dies sollemnis: | 31 Augusti |
  |
|
Novum Comum in regione Langobardia provinciae caput est et in parva campestri alluvione in extremo Lario lacu, inter meridiem et occasum solis, est. Novum Comum est urbs affluens mercaturis opificiisque, quae sericis, machinis, alimentis, chartae vestibusque student, et viatores ecclesias, Maiores Domus, Museum Civicum, Templum Volvitanum et mœnium reliqua petunt.
Inter CDXLIX et CDLXVIII annos, Abundius Novi Comi episcopus fuit: Novi Comi civitatis et diœcesis sanctus patronus est; XI saeculo, sancti Abundi episcopi ecclesia iterum aeficata est.
Antiqua aetate Comum sub collis radicibus Gallorum Insubrium vicus fuit et postea Romana colonia factum est, quia Gaius Iulius Caesar Novum Comum in planitie salubri reddita constituit. Media aetate Novum Comum Mediolano obstetit et delectum est, deinde in Mediolanensium dominorum potestatem redactum est et recenti aetate Mediolani ducatus Hispania, Austria ac Francogallia rectus est. Medio undevicesimo saeculo Novum Comum Italiae oppidum factum est.
Novum Comum (vel Novocomum) Italice Como vocatur: Comum vocabulum fortasse a Gallico sermone ducitur, quia camb "flectere" significabat; antiquitus Novo Como erat Graecum nomen Κώμον (accuratius dictum: Kômon).
Index |
[recensere] Ecclesia Catholica Romana
Novum comum est Ecclesiae Catholicae Romanae episcopalis sedes, et praesens episcopus est Iacobus Coletti.
[recensere] Novocomenses clari cives
Clari Novocomenses, quia Novi Comi nati sunt aut in hac civitate vixerunt:
- Gaius Plinius Secundus;
- Caius Plinius Caecilius Secundus;
- beatus Innocentius XI papa;
- Paulus Iovius, antiquitatis studiosus homo atque episcopus ;
- Antonius Sant'Elia, architectus;
- Iosephus Terragni , architectus;
- Alexander Volta, physicus;
- Iosephus Pontiggia, scriptor;
- Ioanlucas Zambrotta, pedilusor.
[recensere] Novi Comi provincia
Novocomensis provincia Lari lacus partem ad occasum vergentem cum vicinis montibus, vallibus collibusque comprehendit; praetera planitiem spectantem meridiem et Ceresi lacus partem ad orientem versam occupat. Agricolae fruges, poma olusque colunt, cum fabricae textilibus, metallis, machinis, supellectilibus, alimentis vestibusque studeant; viatores lacus petunt.
Novocomensis provinciae oppida et vici Latine saepe vocari possunt.
| loci principis area | 34 chiliometra quadrata |
| loci principis cives | 83.265 incolae |
| loci principis altitudo | 201 metra |
| provinciae area | 1.288 chiliometra quadrata |
| provinciae cives | 560.941 incolae |
| provinciae densitas | 427 incolae in singula chiliometra quadrata |
| municipia | 162 |
[recensere] Fontes
- Verborum thesaurus ad conversionem inter Latinam et Italicam linguas, scriptus a Luigi Castiglioni et Scevola Mariotti
- Encyclopaediae editae a De Agostini
- Verborum thesaurus de Italica lingua, scriptus a Nicola Zingarelli
- Lexicon de antiquitate, scriptum a Federico Lübker
- Encyclopaediae editae a L'Espresso Grandi Opere
 |
Haec stipula ad urbem spectat. Amplifica, si potes! |
