Leonardus Cohen
E Vicipaedia
Leonardus Cohen, natus 21 Septembris 1934 Monte Regio in Canada, est poeta, scriptor, et cantor.
Cohen primum librum poematum, Let Us Compare Mythologies (Mythos Conferreamus), anno 1956 edidit, secundum anno 1961 The Spice-Box of Earth (Gaia Aromataria), quod auctorem primum poetam Canadae confirmavit. Novissimus liber poematum, Book of Longing (Liber Amoris) anno 2006 publici iure fecit.
Primam novellam suam, The Favourite Game, anno 1963 edidit, secundam (ultimamque), Beautiful Losers, anno 1966 celebriorem. Sunt quibus aestimantur hae novellae inter optimas decadis fuisse.
Cohen etiam cantor notissimus est. Prima carmina Songs of Leonard Cohen anno 1967 nominabantur, novissima Blue Alert anno 2006. Primum carmen clarum erat Suzanne. Alia carmina pulcherrima sunt Famous Blue Raincoat, Chelsea Hotel #2, et Hallelujah.
Opera sua ingeniosa atque tenebricosa; eorum argumenta amore et religione abundant. Amavit multas, ut Janis Joplin; saepius tamen solus fuit, ut cum esset monachus buddhisticus in California. Anno 2003 Socius Ordonis Canadae, amplissimae dignitatis patriae suae, factus est.
