Astrum

E Vicipaedia

Astrum (sive stella, sed non stella errans) est sphaera gasii gravitate retenta quae energiam fusione nucleari generat. Multa genera astrorum sunt, quae colore, magnitudine, candore, temperatura, densitate, copia, spatiis temporis rationum nuclearium ceterisque inter se differunt. Vide ad rem etiam diagramma Hertzsprung-Russell. Gurgites atri, stellae neutronicae et pumiliones albae etiam in numero stellarum habentur quamquam non iam energiam fusione nucleari generant.

Omni in caelo circiter sex milia stellarum oculis videri possunt, sed multo plures sunt. Exempli gratia: Via lactea, galaxias noster, plus quam 300.000.000.000 stellarum continet. Ob distantias immensas earum cunctae stellae puncta lucis videntur. Solum Sol propior est quo eum orbem videre possimus. Haec corpora caelestia ex nebulis gasii nascuntur. Stellarum vita stricto sensu inter solum deciens centena milia (astra maxima) et aliquot miliens deciens centena milia annorum (pumiliones rubrae) durat. Eo tempore in interiore parte stellae elementa levia fusione nucleari in elementa graviora mutantur. Sic energia generatur (non creatur!) et ruina viribus gravitatoriis inducta prohibitatur. Ubi talis fusio nuclearis non iam fieri potest, stella moritur. Quod manet gurges ater, stella neutronica aut pumilio alba appellata est.

De massa astri in momento temporis mortis genus reliquiarum dependet :

• Pumilio alba: si massa astri moribundi minus quam 1,4 massae Solis est,
• Stella neutronica: si massa astri moribundi inter 1,4 et 3,2 massae Solis est,
• Gurges ater: si massa astri moribundi plus quam 3,2 massae solis est.

[recensere] Vide etiam

• Astronomia

Haec stipula ad astronomiam spectat. Amplifica, si potes!