Gurges ater

E Vicipaedia

Imago machinata gurgitis atri. Gurges continet decemplicem molem solis et ab distantia 600 km videtur. In his loco acceleratio 400000000 g necesse est ut distantia non deficit.

Gurges ater massa maxima universi appellatur.

[recensere] Quomodo genuerint

Cum in stellis elementorum leviorum (id est levius quam plumbum) satis quantitas non iam inveniatur, ea instabilis fit. Brevi lucidior splendet ut stella nova vel etiam supernova appelletur. Postea reliquiae collabuntur. Si stellae massa plus quam sesqualterum (exacte 1,4) Solis massae est, stella neutronica, si plus quam triplum (exacte 3,2) Solis massae, Gurges ater gignitur. Id corpus stellae ita vocatur cum gravitatione tanta affectum sit ut ne lux quidem ex eo effugere possit.

[recensere] De re ipsa

Gravitationis causa in vicinitate gurgitis atri etiam spatium quattuor dimensionum (id est trium regionum et temporis) valde incurvatur. Inde multa mira efficiuntur. Tempus ipsum e. g. rei in gurgitem atrum cadenti non idem est atque spectatori externo. Ita fit ut nulla res intra radium Schwarzschildianum spectari possit omnesque res in gurgitem cadentes ad eum radium numquam pervenire videantur. Elementa in gurgitem cadentia tam cito circum eum revolvere solent ut orbem accretionis lucidissimum efficiant.

[recensere] De gurgitibus ingentibus

Non numquam duo aut plures gurgites atri coeunt ut maior gurges fiat. Imprimis mediis in galaxiis maximi gurgites atri siti sunt; in Via lactea nostra ille gurges ater fons radiorum roentgeniorum Sagittarii A esse putatur.
Non numquam et isti gurgites atri maximi orbe accretionis lucidissimo cinguntur. Etiam Quasaria, id est fontes radiorum quasistellares, tales orbes accretionis esse putantur.