Saka Wikipédia, Ènsiklopédhi Bébas ing basa Jawa / Saking Wikipédia, Bauwarna Mardika mawi basa Jawi
Australasia kuwi sebutan tumrap kawasan ing Oséania sing nyakup Australia, Selandia Anyar lan pulo-pulo ing saubengé ing Samudra Pasifik. Istilah iki diciptakaké déning Charles de Brosses jroning bukuné Histoire des navigations aux terres australes (1756) lan asal saka basa Latin sing maknané "kidul Asia". De Brosses mbédakaké Australasia saka Polinésia (ing sisih wétané), Mikronésia ing wétan-lor, lan Magellanika ing kidul-wétan Samudra Pasifik.
Dideleng saka sisi geografi fisik, bawana Australia, Tasmania, Selandia Anyar, lan Mèlanésia klebu jroning Australasia, sauntara kuwi miturut geografi pulitik, istilah "Australasia" kadhangkala dipigunakaké yumrap Australia lan Selandia Anyar waé, umpamané ing jeneng-jeneng organisasi. Jeneng "Australasia" naté dipigunakaké wektu Australia lan Selandia Anyar ngirim tim gabungan menyang Olimpiade 1908 lan Olimpiade 1912.
Saka sisi ékologi, "Australasia" kuwi sawijining kawasan sing nduwèni sajarah évolusi sing seragam lan werna-werna flora lan fauna sing mung ditemokaké ing tlatah iki. Ing pangertèn iki, Australasia yakuwi Australia, Pulo Irian lan pulo-pulo ing saubengé, klebu Pulau Lombok lan Sulawesi sarta pulo-pulo ing Indonesia sing dumunung ing sisih wétané kaloro pulo kasebut. Selandia Anyar ora klebu yèn migunakaké dhéfinisi iki. Garis bayangan sing misahaké Australasia karo Asia yakuwi Garis Wallace – Kalimantan lan Bali dumunung ing sisih kulon, yaiku ing Asia.
[sunting] Delengen uga
