mark.tuein
From Wikipedia
ni'o lu mark.tuein. li'u no'u zoi gy. Mark Twain .gy. gubni cmene lo fatci se cmene be lu symiul.langyxorn.klemyns. li'u .i la myrk. jmive co'a li cino pi'e papa pi'e pabicimu co'u li repa pi'e vo pi'e pasopano gi'e misno merko cukta finti gi'e krasi xabju la mizuris. .i le nu la myrk ralju gunka le nuzba karni .e le rirxe bloti gidva cu purci le nu cukta finti binxo .i
ni'o le za'i my misno cu traji se krinu le cfika selfinti .e le pilno zdile .i lo my pamoi ke prina je fatri lisri ne de'i li pabixaze cu se tcita lu le salci misno plipe bo banfi poi xabju la kyleverys po'u le cmalu jecta terganzu li'u to zoi gy The Celebrated Jumping Frog of Calaveras County gy toi .i di'u liste lo su'o misno cukta be fi my
- zoi gy The Adventures of Tom Sawyer gy to pabizexa toi
- zoi gy The Prince and the Pauper gy to pabibire toi
- zoi gy Adventures of Huckleberry Finn gy to pabibivo toi
- zoi gy A Connecticut Yankee in King Arthur's Court gy to pabibiso toi
ni'o la'o gy Huckleberry Finn gy goi ko'a pu binxo lo mutce se sinma .i so'i prenu cu cusku le si'o ko'a ralju traji lo selfinti be la myrk .i ko'a lisri lo nu le blabi nanla cu mipri rivbi lo nu bapli selfu kei gi'e sidju le xekri nanmu tu'i le snanu mergu'e .i
